ການເປັນອາສາສະໝັກ ບາງຄົນອາດຄິດວ່າມັນເທ່ ແລະ ໃຜໆກໍເປັນໄດ້ ແຕ່ຢ່າລືມວ່າ ການເປັນອາສາສະໝັກ ມັນແມ່ນຂຶ້ນກັບຄວາມສະໝັກໃຈຂອງໂຕເຮົາເອງ ແລະ ຢ່າລືມວ່າການເປັນອາສາສະໝັກ ມັນບໍ່ພຽງແຕ່ໄປຕາມຂະບວນຊື່ໆ ແຕ່ເຮົາຕ້ອງ ເຮັດໜ້າທີ່ຂອງຕົນເອງໃຫ້ດີທີ່ສຸດ ເມື່ອມິບັນຫາ ກໍຕ້ອງຊ່ວຍກັນແກ້ໄຂ ເພາະທຸກຢ່າງມັນບໍ່ໄດ້ເປັນໄປຕາມດັ່ງທີ່ເຮົາຄິດສະເໝິໄປ ດັ່ງທີ່ຂ້າພະເຈົ້າ ໄດ້ເປັນອາສາສະໝັກໃນງານບຸນກາເຟ ໃນວັນທີ 30/9/2018 ທີ່ຜ່ານມາ. ກ່ອນມື້ງານ [29.9.2018] ຂ້ອຍແລະ ອາສາ4-5 ຄົນໄດ້ໄປກະກຽມສະຖານທີ່ໄວ້ ກໍຄືໄປຈັດເຕັ້ນໃຫ້ບັນດາຮ້ານກາເຟທີ່ຈະເຂົ້າຮ່ວມ ເຊິ່ງມັນກໍດຳເນິນໄປດ້ວຍດີ ຫຼັງຈາກສຳເລັດແລ້ວທຸກຄົນກໍແຍກຍ້າຍກັນ
ພໍຮຸ່ງເຊົ້າມາ ໃນວັນ ທີ30.9.2018 ຝົນໄດ້ຕົກໃນຕອນເຊົ້າ ຂ້ອຍກໍບໍ້ໄດ້ແອະໃຈວ່າເຕັ້ນທີ່ກາງໄວ້ມັນຄົງບໍ້ເປັນຫຍັງ ເພາະຝົນຕົກບໍ່ໄດ້ແຮງ, ຫຼັງຈາກກິນເຂົ້າເຊົ້າແລ້ວຂ້ອຍກໍຈັບຄັນຮົ່ມ ຂຶ້ນລົດຈັກຂ້ອຍ ເພື່ອເດີນທາງໄປສະຖານທູດຝຣັ່ງ ໃຫ້ຮອດທັນ 7:30 ມ ພໍໄປຮອດສິ່ງທີ່ບໍ່ຄາດຄິດກໍເກີດຂຶ້ນ ເຕັ້ນທີ່ໄດ້ກຽມໃນມື້ວານມັນມຸ່ນອຸ້ຍປຸ້ຍ ຍ້ອນຮັບນໍ້າໜັກຂອງນໍ້າຝົນບໍ່ໄດ້ ໃນໃຈຂ້ອຍຕອນນັ້ນຄິດວ່າ ງານກໍຈະເກີດຢູ່ບໍ???? ອີກບໍດົນອ້າຍໂຍ ເຊິ່ງກໍເປັນອາສາສະໝັກເຊັ່ນກັນ ບອກວ່າ "ຈັກໜ້ອຍເຮົາຕ້ອງລຸຍຝົນເພື່ອມ້ຽນເຕັ້ນນຳກັນ" ຂ້ອຍຄິດໃນໃຈວ່າ "ເອົາແທ້ວະ?", ຫຼັງຈາກນັ້ນບໍ່ຮອດ5ນາທີ ຂ້ອຍແລະອາສາທັງໝົດກໍໄດ້ພາກັນມ້າງເຕັ້ນເພື່ອກູ້ເອົາໄປມ້ຽນ ໃນໄລຍະທີ່ກູ້ເຕັ້ນອາສາທຸກຄົນຕ້ອງໄດ້ຕາກຝົນ ລຸຍນໍ້າທີ່ອັ່ງໃນເດີ່ນຫຍ້າ ເພື່ອໃຫ້ແລ້ວທັນກ່ອນທີ່ແຂກຈະມາ ແນ່ນອນຢູ່ແລ້ວ ເກີບ ໂສ້ງ ແລະ ເສື້ອ ຂອງແຕ່ລະຄົນໄດ້ເຕັມໄປດ້ວຍຕົມທີ່ຟິດຂຶ້ນມາໃສ່. ຫຼັງຈາກເກັບມ້ຽນແລ້ວ ອາສາທຸກຄົນກໍແຍກຍ້າຍກັນໄປເຮັດໜ້າທີ່ຂອງຕົນຕາມທີ່ໄດ້ຮັບໝອບໝາຍ ເຊິ່ງຕົວຂ້ອຍເອງ ກໍໄດ້ຮັບໜ້າທີ່ໃຫ້ຖ່າຍຮູບ ສະນັ້ນຂ້ອຍຕ້ອງໄດ້ຍ່າງຕາມເດີ່ນທີ່ເຕັມໄປດ້ວຍຕົມໂດຍບໍ່ຫ່ວງເສື້ອຜ້າຂອງຕົນ ເພື່ອໃຫ້ໄດ້ພາບບັນຍາກາດຂອງງານ ແລະ ໃນມື້ນັ້ນຂ້ອຍຄິດວ່າເມື່ອເພິ່ນວາງໃຈໃຫ້ເຮົາເກັບພາບເຮົາກໍຕ້ອງເຮັດໃຫ້ດິທິ່ສຸດ ເພາະທຸກຊ່ວງເວລາທີ່ ທຸກຄວາມຊົງຈຳມັນຂຶ້ນຢູ່ກັບເຮົາວ່າຈະສາມາດເກັບມັນໄດ້ຫຼາຍເທົ່າໃດ
ນີ້ກໍເປັນປະສົບການຂອງການເປັນອາສາຂອງຂ້ອຍ ທີ່ຢາກຈະແຊໃຫ້ກັບໝູ່ເພື່ອນ. "ການເປັນອາສາທີ່ດີ ຕ້ອງມີຄວາມອົດທົນ ສູ້ຊົນຈົນສຳເລັດພາລະກິດ"
ຊົມເຊີຍເດີ້,,,
ສຸດຍອດເລີຍນ້ອງ...
ສຸດຍອດຫລາຍ ມີບັນຫາແບບນີ້ຈຶ່ງມ່ວນ ຫະຫະ ຊົມເຊີຍເດີ້!
You-Know-Who ມ່ວນແທ້ມ່ວນວ່າ 555+
ຊົມເຊີຍເດີຕ່າຍ ເຮັດດີທີ່ສຸດແລ້ວ ຫລາຍຢ່າງບໍ່ອຳນວຍ ແຕ່ຜົນງານອອກມາດີຫລາຍແລ້ວ
ພາບກ່ອນມື້ກຽມງານ.
ພາບຫລັງງານ
Os555 ຂອບໃຈລຸງໂອດ ລຸງກໍເປັນຜູ່ທີ່ບອກໃຫ້ຫຼານຮູ້ວ່າມີງານດີໆແນວນີ້
ສຸດຍອດ ຢາກໄປເດ
ຊົມເຊີຍເດີ້ ຄຳວ່າອາສາສະຫມັກນັ້ນເອີ້ນພຽງເພາະເຮົາບໍ່ໄດ້ຮັບຄ່າຈ້າງ, ເຮົາເຕັມໃຈເຮັດເອງ ແຕ່ເລື່ອງຫນ້າທີ່ຮັບຜິດຊອບແລະ ຜົນງານທີ່ອອກມານັ້ນມັນເທົ່າກັບເຮົາເປັນພະນັກງານຄົນຫນຶ່ງນັ້ນລະ
