ຂ້ອຍເປັນຄົນບ້າແທ້ບໍ?

sorn

ຂ້ອຍເປັນຄົນທີ່ມີໂລກສ່ວນຕົວສູງ ຂ້ອຍເປັນຄົນທີ່ມັກຄິດແລະຢາກເຮັດໃນສິ່ງທີ່ມັນເປັນໄປໄດ້ຍາກເຊັ່ນວ່າ ຂ້ອຍຢາກບິນໄດ້ ຂ້ອຍຢາກບັນຊາຟ້າບັນຊາດິນແລະສິ່ງທີ່ຂ້ອຍຈະຄວບຄຸ້ມໃຫ້ໄດ້ທີ່ສຸດກໍ່ຄື:ຢາກຄວບຄຸ້ມບໍ່ໃຫ້ນ້ຳມັນປະເທດລາວຂື້ນດຸຫລາຍຂື້ນສອງ ສາມເທື່ອຕໍ່ເດືອນແລະຍັງວີແວວວ່າສິຂື້ນໄປອີກ...
#ນ້ຳຕາຈິໄຫລ່😭
#ຂ້ອຍບ້າແທ້ບໍ?

tolomold

sorn ອັນທີ່ທ່ານກ່າວມາ ຄິດວ່າເປັນເລື່ອງທີ່ຫລາຍໆຄົນກໍ່ຄິດຄືກັນ ແລະ ມັນກໍ່ບໍ່ຜິດ. ເພາະຈາກຄວາມຄິດນີ້ເຮັດໃຫ້ເຮົາມີ ເຮືອບິນ, ມີລະບົບອຸຕຸນິຍົມ ນັ້ນນີ້ຫລາຍອັນ...
- ຕາມປະເດັນແລ້ວ ລາຄານໍ້າມັນຈະຂຶ້ນຫລືລົງນັ້ນ ກໍ່ຂຶ້ນກັບພາກສ່ວນກ່ຽວຂ້ອງເປັນຜູ້ປະຕິບັດ ຫາກທ່ານມີສ່ວນກ່ຽວຂ້ອງກັບວຽກງານດັ່ງກ່າວ ກໍ່ສາມາດມີສ່ວນຮ່ວມໃນການກໍານົດລາຄານໍ້າມັນບໍ່ໃຫ້ມັນຂຶ້ນ-ຈົນກະທົບຕໍ່ການເປັນຢູ່ຂອງພໍ່ແມ່ປະຊາຊົນຫລາຍເກີນໄປ. (ຂ້ອຍກໍ່ຢາກໃຫ້ນໍ້າມັນບໍ່ຂຶ້ນຄືກັນ ແຕ່ວ່າບໍ່ໄດ້ມີສ່ວນກ່ຽວຂ້ອງກັບວຽກນັ້ນໆ ເລີຍເປັນໄດ້ແຕ່ປະຊາຊົນຜູ້ນໍາໃຊ້)...
#ຂ້ອຍບ້າແທ້ບໍ່? ------> ສະບາຍໃຈໄດ້ທ່ານເປັນຄົນປົກກະຕິດີ.

Os555

ເຫັນດີກັບຄວາມເຫັນຂອງ ທ່ານ @NaphaPhlv ນັ້ນລະ tolomold ຖືວ່າ ຈະເປັນແບບນັ້ນລະ
ຄຳວ່າບ້າມັນນິຍາມໄດ້ຍາກເລີຍຢາກໃຫ້ພິຈາລະນາອີກຕື່ມ,
ສຳລັບຄວາມເຫັນສ່ວນໂຕຄິດວ່າ ຄຳວ່າບ້າແມ່ນການທີ່ ຫມົກມຸ້ນໃນສິ່ງໃດນຶ່ງແບບບໍ່ມຶນຫູມືນຕາບໍ່ມີເຫດຜົນ ແລະບໍ່ສົນໃຈກັບສຶ່ງອື່ນ
ເຊັ່ນ: ບ້າວຽກ, ບ້າລົດ, ບ້າກາມ ແມ່ນການທີ່ສົນໃຈແລະວົນກັບສິ່ງນັ້ນຈົນລືມສົນໃຈຢ່າງອື່ນ ໃນຫົວຄິດແຕ່ແບບນັ້ນ
ແຕ່ການບ້ານີ້ຍັງບໍ່ເຖິງຂັ້ນຄວບຄຸມບໍ່ໄດ້ ຫາກບ້າແບບ ຄວບຄຸມໂຕເອງບໍ່ໄດ້ຈະເອີ້ນວ່າເສຍຈິດນຳ
ສຳລັບອາການຂອງ ທ່ານ @sorn ທີ່ມີອາການຢາກຄວບຄຸມນັ້ນນີ້ ອັນນີ້ຍັງບໍ່ເອີ້ນວ່າບ້າ(ແຕ່ເກືອບລະ) ເອີ້ນວ່າຄວາມຢາກ ເຊິ່ງອາດເກີດຈາກຄວາມບໍ່ສະຫງົບຂອງຈິດໃຈທ່ານເອງ ເພາະຫາກເຮົາຮັບຮູ້ໄດ້ວ່າການທີ່ເຮົາຄວບຄຸມສິ່ງທີ່ເຮົາເຮັດບໍ່ໄດ້ນັ້ນມັນບໍ່ແມ່ນເລື່ອງທີ່ເຮົາຕ້ອງຄິດມັນກໍຈະຫາຍໄປຈາກຫົວຂອງເຮົາເອງຍົກໂຕຢ່າງ: ຢາກໃຫ້ກ້ອນເອງນັ້ນຍ້າຍມາຢູ່ຫລັງຄາບ້ານເດ,,,, ເຊິ່ງເຮົາເຮັດບໍ່ໄດ້ ກໍໄດ້ແຕ່ແນມແລ້ວກະຕັດໃຈປ່ອຍໄປ ມັນກໍຈະບໍ່ກັບມາເປັນປັນຫາຄາໃຈອີກ.

NaphaPhlv

ເຈົ້າຂອງໂພສກະລຸນານິຍາມ "ຄົນບ້າ" ມາກ່ອນ ໃນຄວາມຄິດຂອງທ່ານແມ່ນແນວໃດ?

ມັນປົກກະຕິທີ່ຈະມີຄົນຄິດໜ້ອຍ ຄິດຫຼາຍ, ຄິດກວ້າງ ຄິດແຄບ, ຄິດຫາແຕ່ໂຕເອງ ຄິດຫາຄົນອື່ນ, ແລະ ຍິ່ງຄິດກ່ຽວກັບສິ່ງທີ່ເກີດຂຶ້ນອ້ອມໂຕ ຄືລາຄານໍ້າມັນກໍ່ແມ່ນປົກກະຕິທີ່ສຸດ

ຫຼື ຫາກຈະເອີ້ນວ່າຄົນທີ່ມີແນວຄິດຕ່າງໝູ່ນັ້ນບ້າ ໂດຍສ່ວນຕົວຄົນທີ່ສ້າງນະວັດຕະກຳໃໝ່ໆ ກໍ່ລ້ວນແຕ່ແມ່ນບຸກຄົນທີ່ຄິດຕ່າງ ຄິດສ້າງສັນສິ່ງໃໝ່ໆ ☺

sorn

ຂອບໃຈສຳລັບຄວາມຄິດເຫັນ ສຸດຍອດ👍👍