ທາງນີ້ກໍກຳລັງສຶກສາຢູ່ທຸກມື້. ມັນສຳຄັນຢູ່ສອງບ່ອນຫຼັກໆ:
- ຕົວເອງ:
ການທີ່ເຮົາເຂົ້າໃຈໂຕເອງເປັນພື້ນຖານແກ່ການເຂົ້າໃຈຄວາມຮູ້ສຶກ, ຄວາມຄິດ, ການກະທຳ, ແລະ ມຸມມອງທີ່ເຮົາມີເພື່ອເບິ່ງໂລກຜ່ານໂຕເຮົາເອງ. ໂຕນີ້ຈະຊ່ວຍໃຫ້ເຮົາຮູ້ວ່າເຮົາເຮັດຫຍັງໄດ້, ເຮັດຫຍັງຍັງບໍ່ທັນໄດ້, ເຮັດຫຍັງແລ້ວຮັກມັນ ຫຼື ຢາກເຈີມັນແຕ່ເທື່ອດຽວນີ້ກໍພໍແລ້ວຊາດນີ້.
ໂຕນີ້ແມ່ນສິ່ງທີ່ໄວໜຸ່ມບ້ານເຮົາຂາດຫຼາຍ ຈຶ່ງມີການຢາກຊອກຫາໂຕຕົນ ແລະ ເປົ້າໝາຍຊີວິດເກີດຂື້ນຢ່າງຫຼວງຫຼາຍ => ໃຫ້ການໄປຟັງເລື່ອງສ້າງແຮງບັນດານໃຈເປັນທີ່ນິຍົມໃນຕອນນີ້.
ແຕ່ວ່າ, ຄືກັບຕອນໄປກິນຊີ້ນດາດແລ້ວເຈີເຕົາທີ່ຖ່ານບໍ່ກ້າ, ເພີ່ມແນວໃດກໍຮ້ອນໄດ້ອີກໜ້ອຍດຽວ. ຕ່າງກັບການທີ່ຄົນຮູ້ຈັກໂຕເອງ (ຖ່ານທີ່ກ້າ), ຄົນດຽວກໍສາມາດເຮັດໄດ້ຫຼາຍຢ່າງເພາະຕົນເປັນໄຟໃຫ້ແກ່ຕົນ.
- ຄົນອື່ນ:
ຖ້າເຮົາເຂົ້າໃຈຕົນເອງແລ້ວ, ເຮົາຈະເລີ່ມເຂົ້າໃຈວ່າຄົນອື່ນຄື ຫຼື ຕ່າງຈາກເຮົາແນວໃດ. ໂຕນີ້ຈະຊ່ວຍເຮົາເຂົ້າໃຈວ່າວົງໂຄຈອນຂອງເຮົາ ແລະ ເຂົາສອດຄ່ອງ ຫຼື ຕຳກັນແນວໃດ.
ຕົວຢ່າງ: ບາງຄົນເວົ້າເພື່ອຄິດ. ຖ້າເຮົາບໍ່ເຂົ້າໃຈ, ເຮົາຈະຄິດວ່າຜູ່ນັ້ນຂີ້ໂມ້ ຫຼື ເວົ້າຄືນສິ່ງທີ່ຄົນອື່ນເວົ້າເພື່ອອວດ. ແຕ່ໃນຄວາມເປັນຈິງແລ້ວ, ບາງຄົນຮຽນໂດຍການຟັງໂຕເອງເວົ້າໃນສິ່ງທີ່ຄົນອື່ນຫາກໍເວົ້າ.
ສະນັ້ນ, ການເຂົ້າໃຈຈິດຕະແບບພື້ນຖານກໍສາມາດຊ່ວຍເຮົາເຂົ້າໃຈຕົນເອງ ແລະ ຄົນອື່ນ. ນີ້ຈະເຮັດໃຫ້ເຮົາຮູ້ວິທີທີ່ຈະ 'ລົງທຶນ' ເວລາ ແລະ ພະລັງງານຂອງເຮົາກັບຄົນ ຫຼື ສະພາບແວດລ້ອນໃນແບບທີ່ຊ່ວຍເຮົາສ້າງສັນຜົນງານໄດ້ຫຼາຍທີ່ສຸດ.
ນອນນັ້ນ, ມັນຍັງຊ່ວຍເຮົາມີຄວາມອົດທົນຂື້ນ ແລະ ພະຍາຍາມເຂົ້າໃຈຄົນທີ່ແຕກຕ່າງ ແລະ ມຖມມອງຂອງເຂົາ.
ເຮົາມັກຄົນທີ່ເຂົ້າໃຈເຮົາ. ແວນກໍແຍງເຫັນສອງທາງຄືກັນ.
ຂໍ້ມູນສຶກສາເພີ່ມ:
1. TEDTalk: Susan Cains: Quiet
2. Multiple Intelligence
3. MBTI Type Indicators
4. Big Five Personality Traits
