ຄິດແນວໃດກັບເລື່ອງປະສົບການເທິງຕຽງທີ່ຜ່ານມາຂອງຄົນທີ່ເຮົາກຳລັງຄົບ

MyDarkSide

ສະບາຍດີ ຫມູ່ເພື່ອນທຸກຄົນ,

ເປັນການເປີດກະທູ້ທຳອິດ ຂອງໄອດີ ທີ່ໂຫດສັດຫລາຍ 😂.

ບໍ່ເສຍເວລາ ເຂົ້າປະເດັນເລີຍແລ້ວກັນ.
ທຸກຄົນຄິດແນວໃດກັບເລື່ອງປະຫວັດເທິງຕຽງຜ່ານມາ ຂອງຄົນທີ່ເຮົາຮັກ?

ຖ້າຮູ້ວ່າທີ່ຜ່ານມາ ເຂົາຜ່ານຫຍັງມາແດ່ ແລະ ທີ່ສຳຄັນຜ່ານຄົນທີ່ເຮົາຮູ້ຈັກມາກ່ອນ ເຈົ້າຈະຄິດແນວໃດ?

KhouanfaNadam

MyDarkSide ຕອນເປັນໄວລຸ້ນແຄ ເພາະຄວາມຄິດສ່ວນໂຕຍັງແຄບ. ຄິດແຕ່ວ່າ ຄວາມສົດແມ່ນໂຕຊີ້ວັດວ່າເຮົາໄດ້ຂອງດີ, ມີລາຄາ, ແລະ ໃໝ່.

ແຕ່ຫຼັງໆມາປ່ຽນຄວາມຄິດເພາະຄວາມຮັກມັນບໍ່ໄດ້ຂື້ນກັບວ່າເຂົາສົດ ບໍ່ສົດ - ເຂົາບໍ່ແມ່ນປາທີ່ຂາຍຢູ່ຕະຫຼາດຫັ້ນນາ. ບໍ່ແມ່ນວ່າບໍ່ສົດລະສິເນົ່າ.

ຄົນທີ່ເຮົາຄົບແມ່ນຄົນໆໜຶ່ງ. ສະນັ້ນ, ເຮົາຄວນຈະເຄົາລົບເຂົາແບບສິ່ງຂອງ ຫຼື ຄົນ? ເຮົາເດະ, ຢາກໃຫ້ເຂົາຄິດວ່າເຮົາແມ່ນສິ່ງຂອງ ຫຼື ຄົນທີ່ມີຈິດໃຈ ແລະ ຄຸນລັກສະນະທີ່ບໍ່ມີໃຜຄືໃນໂລກນີ້. ແລ້ວເຮົາເອງສົດບໍ່? ຖ້າບໍ່, ຄວາມຄິດ 2 ມາດຕະຖານເກີດຂື້ນມາໄດ້ແນວໃດ?

ຖ້າຈະຖາມເຂົາກ່ຽວກັບອະດີດຂອງເຂົາ, ເຮົາຕ້ອງພ້ອມທີ່ຈະຮັບ ເພາະສິ່ງທີ່ຮຸ້ບໍ່ສາມາດລືມໄດ້. ສ່ວນໂຕແລ້ວ, ບໍ່ຮູ້ດີກ່ອນ ເພາະມັນບໍ່ຊ່ວຍຫຍັງໃນຊີວິດຄູ່ຂອງເຮົາ ເພາະການຖາມ, ເຖິງວ່າເຂົາສົດ ຫຼື ບໍ່ສົດ, ກໍຈະສ້າງຄວາມບໍ່ແນ່ໃຈໃຫ້ຄົນທີ່ຖືກຖາມແນ່ນອນ.

ສົດ ບໍ່ ສົດບໍ່ແມ່ນປະເດັນ. ການທີ່ຄົນທີ່ເຮົາຮັກຮັກເຮົານັ້ນສຳຄັນກວ່າຫຼາຍ, ບໍ່ວ່າທັງສອງຈະມາແຕ່ໃສ ຫຼື ເປັນເພດໃດກໍຕາມ.

Os555

ເປັນຄົນບໍ່ຄ່ອຍສົນໃຈອາດີດປານໃດ
ເຮັດປະຈຸບັນໃຫ້ດີລະພໍ
ຫະຫະຫະ

Defago

ສຳລັບຕົນເອງຄຶດວ່າໝົດຍຸກໝົດສະໄໝແລ້ວ. ມະນຸດກໍສັດປະເພດນຶ່ງ ການມີ sex ເປັນເລື່ອງປົກກະຕິ.
ມີແຕ່ຄົນນີ້ແຫຼະຄຶດວ່າມັນເປັນເລື່ອງແປກ. ຄັນເຂົາບໍ່ໄປຕິດເອດມາລະກໍແລ້ວ ຮະຮະ ແຫ່ງໂຊກໂຊນແຫ່ງຄັກ :$

yui_mikami

ບໍ່ໄດ້ສົນເລື່ອງນັ້ນຢູ່ແລ້ວ! ເພາະເຮົາກໍ່ມີປະຫວັດຄືກັນ ຄົນມີປະຫວັດທັງສອງມາຮ່ວມກັນ ຄວາມສຸກສັນຍິ່ງກວ່າກໍ່ບັງເກີດ
ຖ້າຮັກກັນແທ້ ເຂົາບໍ່ສົນດອກວ່າສິບໍລິສຸດຫຼືເສຍຕົວແລ້ວ. ຖ້າສົນສະແດງວ່າເຈົ້າຮັກທີ່ຮ່າງກາຍຂອງຂ້ອຍຫຼາຍກວ່າຕົວຕົນຂອງຂ້ອຍ
ແຕ່ວ່າ ສິບອກວ່າປະຈຸບັນເຂົາບໍ່ໄດ້ສົນທັງຮັກແທ້ ຫຼື ເສຍຕົວ ເຂົາສົນວ່າ "ມຶງມີເງິນບໍ່!!!?" ບໍ່ມີໃຜຢູ່ກັບຄົນຈົນໄປຕະຫຼອດຊີວິດດອກ!!!!

Bao_Bao

ອາດີດກະຄືອາດີດ ປັດຈຸບັນ Sum ກັນດີກວ່າ 🤗
ກະທູ້ທີ່ວ່າໂຫດຍັງບໍ່ໂພດເທົ່າເຈົ້າຂອງໄອດີນີ້

yui_mikami

Bao_Bao ເຫັນດີ

MyDarkSide

ຂອບໃຈ ກັບຄຳເຫັນຂອງທຸກຄົນ.

ເຈົ້າຂອງກະທູ້ເອງ ກໍ່ຄິດ ຄືກັນກັບທຸກໆ ຄົນທີ່ເວົ້າວ່າ ອາດີດ ກໍ່ຄື ອາດີດ ເຮົາກັບໄປປ່ຽນຫຍັງມັນບໍ່ໄດ້.

ພະຍາຍາມສ້າງອານາຄົດໃຫ້ມີແຕ່ຄວາມສຸກ ສິ່ງທີ່ຜ່ານມາ ຂອງທັງສອງຄົນ ກໍ່ຈະບໍ່ໄປຂຸດຄຸ້ຍກັນ ຂຶ້ນມາ ມີແຕ່ຈະເວົ້າຈະເຕືອນກັນ ຄວາມຜິດພາດ ທີ່ຜ່ານມາຂອງທັງສອງ ໃຫ້ເກັບມາເປັນບົດຮຽນ.