ເລື່ອງທີ່ສັງຄົມວ່າຈ້າງເຂົ້າເຮັດວຽກນັ້ນມີແທ້ບໍ່ໃນພາກສ່ວນລັດ? ຖ້າມີແທ້ໂດຍ ສ່ວນໂຕ ເຖິງຈະຮຽນຈົບບໍ່ສູງ ກໍບໍ່ແມ່ນອຸປະສັກສຳລັບເຮົາ
ແຕ່ເຮົາເອງ ກໍບໍ່ເຄີຍເບິ່ງຂ້າມ ບົນພື້ນຖານຂອງສັງຄົມ ເພາະຂະໜາດຂອງສັກກາຍະພາບແຕ່ລະຄົນແຕກຕ່າງກັນ ນັ້ນກໍໝາຍຄວາມວ່າ ຂະໜາດຂອງໂອກາດ ກໍແຕກຕ່າງກັນນັ້ນເອງ
ສະນັ້ນ ຈຶ່ງຕ້ອງອາໄສລະບົບທີ່ອອກແບບມາຢ່າງຖືກຕ້ອງ ການຕັດສິນ ທີ່ທ່ຽງຕົງ ຮູ້ຜົນໄດ້ ຜົນເສຍ ເປັນທາງອອກທີ່ສົມເຫດ ສົມຜົນເທົ່ານັ້ນ
ໃນເກມກິລາຍັງມີກົດກະຕິກາໃນການແຂ່ງຂັນ ຖ້າລະບົບຈ້າງເຂົ້າເຮັດວຽກມີແທ້ຈິງນັ້ນ ກໍໝາຍຄວາມວ່າ ຜູ່ຕັດສິນກິລານັ້ນໆ ຈົງໃຈຕັດສິນນອກລະບົບ "ຢູ່ເໜືອກົດກະຕິກາ" ສາມາດຕັດສິນ ຜົນເສຍຜົນຊະນະຈາກຄວາມບໍ່ທ່ຽງຕົງນັ້ນໆໄດ້
ສັງຄົມກຸ່ມຫນຶ່ງບອກວ່າ: ມັນສິໄປກະທົບ ຖ້າເຈົ້າເກັ່ງພໍ?! ເປັນຫຍັງຕ້ອງເຂົ້າລັດ ເອກະຊົນກໍມີ!?
ໃນມຸມມອງຂ້າພະເຈົ້າ ສ່ວນໂຕບໍ່ເຫັນດີນຳ ຄຳແນະນຳນີ້ປານໃດ ເພາະຂາດການວິເຄາະຢ່າງຮຸນແຮງ ແລະ ລຸກລໍ້າສິດທິສ່ວນບຸກຄົນ ໂດຍເບິ່ງຂ້າມເຫດຜົນ ທີ່ "ຫຼິ້ນຜິດກະຕິກາ" ແລ້ວອ້າງວ່າ ເຈົ້າຕ້ອງເກັ່ງ ຕ້ອງມີສັກກະຍາພາບສູງ ໃຊ້ມາຫັກລ້າງລະບົບຈ້າງເຂົ້າເຮັດວຽກ ຖ້າລະບົບນີ້ມີຈີງ...
ຂະໜາດຂອງຄວາມເກັ່ງຕ້ອງລະດັບໃດ? ຫຼື ຕ້ອງລະດັບ ຊົງ ໂງກຸ່ນ ນາຣູໂຕະ ນັກສືບໂຄນັນ? ແລ້ວການເຂົ້າເຖິງໂອກາດຂອງຄົນທົ່ວໄປເດ ເບິ່ງຂ້າມແມ່ນບໍ່?
ຖ້າເບິ່ງຂ້າມຜົນກະທົບແທ້ໆ ກໍຈະປຽບທຽບໃຫ້ເຫັນພາບລວມທີ່ຊັດເຈນຂຶ້ນ
ຍ້ອນກັບໄປປີ 2002 ບານໂລກຮອບ ເກົາຫຼີໃຕ້ VS ອິຕາລີ (ຕອນນັ້ນອາຍຸເຮົາ 8 ປີ ແຕ່ມາຮູ້ຂ່າວນີ້ ຕອນອາຍຸປະມານ 16 ປີ) ການຕັດສິນທີ່ບໍ່ທ່ຽງຕົງຂອງຄະນະກຳມະການ ທີ່ເຂົ້າຂ້າງເກົາຫຼີໃຕ້ ຢ່າງເຫັນໄດ້ຊັດເຈນ ເຮັດໃຫ້ຊາວໂລກອອກມາປະນາມຜົນຕັດສິນດັ່ງກ່າວພ້ອມພຽງກັນ FIFA ກໍໄດ້ອອກມາແບນ ຜູ່ຕັດສິນຄົນນັ້ນຕະຫຼອດຊີວິດ ບົ່ງບອກເຖິງຄວາມບໍ່ທ່ຽງຕົງຂອງການຕັດສິນໃນເກມນັ້ນ ປະເທດອິຕາລີ ກໍຫ້າມປະເທດເກົາຫຼີໃຕ້ເຂົ້າປະເທດຂອງຕົນ ຢ່າງເປັນທາງການ!!! (ໃນປີ 2002)
ອ້າງອີງ
https://youtu.be/70YBjA0bLFM
ຜົນເສຍຄື ເກົາຫຼີໃຕ້ ຖືກຊາວໂລກປະນາມໃນປີ 2002 ພ້ອມພຽງກັນ ຈົນມາຮອດປັດຈຸບັນນີ້
ສະນັ້ນຈຶ່ງຍ້ອນກັບມາຖາມ ຄຳແນະນຳຄົນທີ່ບອກວ່າ.....ຖ້າລະບົບຈ້າງເຂົ້າເຮັດວຽກມີແທ້ຈິງ ມັນສິໄປກະທົບ ຖ້າເຈົ້າເກັ່ງພໍ?! ມັນຄ້າຍຄືຄຳແນະນຳ ທີ່ໃຊ້ຄວາມຄິດເຫັນ ເປັນຈຸດສູນກາງ ແມ່ນຫລືບໍ່?
ອິຕາລີນິໃດ໋?! ອິຕາລີເກືອບຂາຫັກໄປຫຼາຍຄົນໃນເກມນັ້ນ 😂🤣
ສິເອີ້ນວ່າ ກຳມະການ "ຕັດຂາອິຕາລີ" ກໍໄດ້
FIFA ເອງບໍ່ເບິ່ງຂ້າມບັນຫາ ຈົນສາມາດແກ້ໄຂລະບົບບານໂລກໃຫ້ດີຂຶ້ນ ໃນເຫດການນັ້ນ ຈົນມາຮອດປັດຈຸບັນນີ້
ເຖິງມັນບໍ່ແມ່ນບັນຫາໃນຊີວິດຂອງເຮົາກໍຕາມ ກັບລະບົບຈ້າງເຂົ້າເຮັດວຽກຖ້າມີແທ້ ແຕ່ຈະບໍ່ເບິ່ງຂ້າມບັນຫານີ້ໃນສັງຄົມແນ່ນອນ ຖ້າມີຈິງ
"ເຮົາຕົວະເຮົາເອງໄດ້ ແຕ່ຕົວະວ່າບໍ່ມີຜົນເສຍ ທີ່ກະທົບຕໍ່ຜົນລັບບໍ່ໄດ້"
ກົດເຫຼັກຂອງວຽກງານການວິເຄາະ ຄື "ຫ້າມເບິ່ງຂ້າມ ບັນຫານ້ອຍ" ເພາະມັນຈະກະທົບຕໍ່ຜົນລັບທີ່ໃຫຍ່ໄດ້ນັ້ນເອງ ຍິ່ງບັນຫາໃຫຍ່ ຍິ່ງຕ້ອງໄດ້ເອົາໃຈໃສ່ເປັນພິເສດ 😁
ແລ້ວທ່ານເດມີຄວາມຄິດເຫັນແນວໃດ ແລກປ່ຽນກັນໄດ້ເຈົ້າ
ຂອບໃຈ.
