“ຜູ້ນຳສູງສຸດສຳລັບເຮົາ ຄືພະພຸດທະເຈົ້າ ແລະ ພະເຍຊູ ທີ່ເຮັດໃຫ້ຄົນສັດທາມາຫລາຍທົດສະວັດ ສາມາດເຮັດໃຫ້ຄົນເດີນຕາມຫລາຍພັນລ້ານຄົນ ແລະ ສິ່ງສຳຄັນທີ່ສຸດ ເພິ່ນບໍ່ເຄີຍບອກສອນ ໃຫ້ໂທດຄົນອື່ນເລີຍ"
ບ່ອນໃດມີປັນຫາ ບ່ອນນັ້ນຈະມີປັນຍາ ເລືອກທີ່ຈະແກ້ໄຂປັນຫາເພື່ອສ້າງພູມປັນຍາ ຫລື ເລືອກທີ່ຈະໂທດປັນຫາເພື່ອບັນທອນປັນຍາລົງ
ຄວາມບໍ່ສະຫງົບສຸກ ເກີດມາຈາກ ການໂຈມຕີເຊິ່ງກັນ ແລະ ກັນ ຖ້າບໍ່ມີຫຍັງຢຶດຫນ່ຽວຈິດໃຈໄວ້ ການໂຈມຕີນັ້ນ ກໍຈະຮຸນແຮງຂຶ້ນ
ໂລກຂອງຜູ້ນຳ ຄືໂລກທີ່ບໍ່ມີຫຍັງເປັນໄປບໍ່ໄດ້ ແລະ ເປັນໂລກທີ່ໂທດຫຍັງບໍ່ໄດ້ເຊັ່ນດຽວກັນ
ພະພຸດທະເຈົ້າຈຶ່ງສອນໃຫ້ມີສະຕິສຳປະຊັນຍະ ແລ້ວແກ້ໄຂປັນຫາດ້ວຍສະຕິປັນຍາທີ່ມີ
ຄິດຈະໂທດຫຍັງກໍຕາມ ຄິດເຖິງຄຳສອນຂອງ "ພະພຸດທະເຈົ້າ ແລະ ພະເຍຊູ" ເຂົ້າໄວ້ ໃນຖານະຜູ້ນຳສູງສຸດ ທີ່ຄົນທົ່ວໂລກຮູ້ຈັກດີ
