ເມື່ອປ໋າ Elon musk ສູບ marijuana ໂຊໃນ podcast ຂອງ Joe Rogan ຈົນເກີດ meme ເຕັມອິນເຕີເນັດ. ມາເບິ່ງວ່າປ໋າເຮົາລົມຍັງແດ່ໃນ podcast:
[
https://www.youtube.com/watch?v=ycPr5-27vSI&feature=youtu.be&fbclid=IwAR1hNn9roIm2_faKv66G6sGBpRE5yqiVxe2IhTpIPsk3A3glemrlZtDL61k](https://)
ວ່າດ້ວຍເລື່ອງ AI
ຄືທີ່ຮູ້ກັນດີວ່າປ໋າ Elon ເຮົາບໍ່ຄ່ອຍຈະສະໜັບສະໜູນAIພໍປານໃດ (ເປັນຄູ່ກັດກັບອ້າຍ Mark mark zuckerberg ທີ່ໂຄດສະໜັບສະໜູນ AI) ດ້ວຍຄວາມຄິດທີ່ວ່າມະນຸດຍັງບໍ່ພ້ອມ ແລະ ບໍ່ສາມາດທີ່ຈະຄວບຄຸມAIໄດ້. ຈຸດທີ່ນ່າສົນໃຈແມ່ນປ໋າElonເວົ້າວ່າໃນອະນາຄົດມີຄວາມເປັນໄປໄດ້ວ່າຄົນເຮົາອາດຈະຮ່ວມຮ່າງກັບ AI ກາຍເປັນ superhuman ໂດຍການຢູ່ຮ່ວມກັນແບບ Symbiosis (ຄິດຮອດ cyborg ຂື້ນມາທັນທີ). ປ໋າElonເວົ້າວ່າ AI ອາດຈະສະຫຼາດກວ່າຄົນໃນດ້ານການຄຳນວນ ແຕ່ສິ່ງທີ່ AI ບໍ່ມີຄື Limbic system ເຊິ່ງເປັນລະບົບໃນສະໝອງຂອງຄົນທີ່ເຮັດໃຫ້ຄົນເຮົາມີອາລົມຕ່າງໆ (ຮັກ, ຊັງ, ມັກ, ບໍ່ມັກ...). ປ໋າ Elon ເຮົາອາດຈະເວົ້າຄືເກີນຄວາມຈິງໄປແດ່ ແຕ່ລະດັບປ໋າແລ້ວບໍ່ເວົ້າຫຍັງໂລເລແນ່ນອນ ດີບໍ່ດີກຳລັງເຮັດ Project ລວມຄົນກັບ AI ຢູ່ກໍບໍ່ຮູ້ (ຄວາມຄິດສ່ວນຕົວ)
ວ່າດ້ວຍເລື່ອງ Social media
ທຸກມື້ນີ້ມັນກໍກາຍເປັນສ່ວນນື່ງຂອງເຮົາໄປແລ້ວລະອັນໂລກອອນລາຍນີ້ນະ. ເຊິ່ງສ່ວນຫຼາຍໂດຍທຳມະຊາດຂອງຄົນແລ້ວກໍຢາກໃຫ້ຄົນອື່ນເຫັນແຕ່ດ້ານດີໆຂອງຕົວເອງຢູ່ແລ້ວ ເລີຍເລືອກໂພສສະເພາະຮູບທີ່ຕົວເອງດູດີ ແລະ ມີຄວາມສຸກ ເຊິ່ງມັນກໍບໍ່ແມ່ນເລື່ອງທີ່ຜິດ. ແຕ່ຄົນທີ່ເຫັນຫັນເຂົ້າໃຈຜິດໄປເອງວ່າຊີວິດຄົນອື່ນມີແຕ່ແນວດີໆ ຄົນອື່ນງາມກວ່າຕົວເອງ ຄົນອື່ນເກ່ງກວ່າຕົວເອງ ເຮັດໃຫ້ເກີດການປຽບທຽບ ທັ້ງໆທີ່ຄວາມເປັນຈິງເຮົາກໍບໍ່ຄວນຈະປຽບທຽບຕົວເອງກັບຄົນອື່ນຢູ່ແລ້ວ. ເຊິ່ງປ໋າ Elon ເຮົາໄດ້ຍົກ quote ຂອງ Theodore Roosevelt ຂື້ນວ່າເວົ້າ "Comparison is the thief of joy" ແປງ່າຍໆວ່າ ການປຽບທຽບຄືໂຈນປຸ້ນຄວາມສຸກ. ແລະ ອີກ quote ນື່ງ ແມ່ນສົມຜົນທີ່ວ່າ Happiness equals reality minus expectations (ຄວາມສຸກເທົ່າກັບຄວາມຈິງລົບຄວາມຄາດຫວັງ)
ວ່າດ້ວຍເລື່ອງພະລັງງານທີ່ຢັ້ງຢືນ (Sustainable energy)
ຮູ້ກັນດີວ່າປ໋າ Elon ເປັນຜູ້ໃຫ້ກັບເນີດ Tesla ລົດທີ່ຂັບເຄື່ອນດ້ວຍພະລັງງານໄຟຟ້າ (electric car). ປ໋າເຮົາເວົ້າວ່າການທີ່ມະນຸດໄປດູດເອົາ ຄາຣບອນ (Carbon) ຈາກພື້ນໂລກອອກມາໃຊ້ແລ້ວປ່ອຍຂອງເສຍສູ່ບັນຍາກາດເປັນສິ່ງທີ່ບໍ່ຄວນເຮັດເພາະມັນຈະສ້າງຜົນກະທົບອັນມະຫາສານໃຫ້ແກ່ໂລກ. ການທີ່ມະນຸດເຮົາຍັງສືບຕໍ່ໃຊ້ພະລັງງານຂອງຊາກຟອດຊີລ (Fossil fuels) ທັ້ງທີ່ຮູ້ວ່າມັນບໍ່ດີ ສຸດທ້າຍມະນຸດຈະຕ້ອງໄດ້ຮັບຜົນກະທົບຂອງມັນແນ່ນອນ. ອີກຢ່າງນື່ງພະລັງງານຈາກນໍ້າມັນຄືພະລັງງານທີ່ບໍ່ຢັ້ງຢືນ ໝາຍຄວາມວ່າຈັກມື້ນື່ງມັນຈະຕ້ອງໝົດ. ນັ້ນເຮັດໃຫ້ປ໋າ Elon ຕ້ອງພະຍາຍາມຊອກຫາແຫຼ່ງພະລັງງານທີ່ສະອາດ ແລະ ຢັ້ງຢືນແຫຼ່ງໃຫມ່. ຈົນສຸດທ້າຍ ໄດ້ໃຫ້ກຳເນີດ Tesla ລົດທີ່ໃຊ້ໄຟຟ້າອອກມາ ແຕ່ແນວໃດກໍຕາມ ການທີ່ຈະປ່ຽນຜ່ານຈາກການໃຊ້ນໍ້າມັນເປັນໄຟຟ້າບໍ່ໄດ້ໃຊ້ເວລາໜ້ອຍໆ ຢ່າງຕໍ່າທີ່ສຸດຕ້ອງແມ່ນ 20 ເຖິງ 25ປີ. ແຕ່ຄວາມເປັນຈິງ ມັນຫຼາຍກວ່ານັ້ນແນ່ນອນ. ໄດ້ຟັງປ໋າເວົ້າແນວນີ້ແລ້ວຮູ້ສຶກວ່າຢາກໃຫ້ມີຄົນຄືປ໋າອີກຈັກ 1000ຄົນ ຮາຮາຮາຮາຮາ.
Podcast ເຕັມໆມີຄວາມຍາວ 2ຊົ່ວໂມງເຄິ່ງ ໃຜສົນໃຈກໍເຂົ້າໄປຟັງໄດ້.
https://youtu.be/ycPr5-27vSI
ຫຼື http://podcasts.joerogan.net/podcasts/elon-musk
ປລ. ປະໂຫຍກທີ່ປະທັບໃຈເປັນພິເສດ "if you want a flying car, just put some wheels on the helicopter". ສຸດຍອດຄວາມຄິດອະສະລິຍະ.
ໝາຍເຫດ: ສິ່ງທີ່ຂຽນໄປນັ້ນບໍ່ແມ່ນການແປມາ, ແຕ່ແມ່ນການສະຫຼຸບຫຍໍ້ແລະມີຄວາມເຫັນຂອງຕົວເອງຢູ່ນຳ, ກະລຸນາໃຊ້ວິຈາລະນະຍານໃນການອ່ານ.
