ເຂົ້າມາກ່ອນອື່ນບອກກ່ອນເນາະບໍ່ໄດ້ມີບັນຫາຫຍັງກັບວົງ ມັກທຸກເພງ ຕອນມາລາວຂ້ອຍກະໄປເກາະຂ້າງເວທີລົວໆ
ກັບມາຫົວຂໍ້ເຣົາ ຄວາມເຫັນສ່ວນຕົວ ຖ້າເວົ້າເຖິງທຸລະກິດ ຢາກວ່າລະບົບ48group ມີຄວາມເປັນທຶນນິຍົມຫລາຍຫາຫລາຍພິລຶກ ລະບົບທີ່ ສາວນ້ອຍສົດໃສທຸກຄົນຕ້ອງແຂ່ງກັນເອງ ຊິງດີຊິງເດັ່ນເພື່ອໃຫ້ໄດ້ເປັນໂຕຫລັກ ເພື່ອວຽກເຂົ້າມາ ແລ້ວທຸກຄົນໃນກຸ່ມພັດຍັງຕ້ອງອອກສື່ວ່າຣັກກັນຕະຫລອດເວລາ(ແຕ່ບາງຍາມເມມເບີບາງຄົນອົດບໍ່ໄດ້ ບອກວ່າຊັງເຊີປາງກະມີ) ແຖມຄວາມພະຍາຍາມພັດບໍ່ໄດ້ທໍາຣ້າຍຄົນທີ່ຕັ້ງໃຈຄືໃນເພງ (ມີເມມເບີໃນທີມຫລາຍຄົນອອກມາຢືນຢັນແລ້ວວ່າພະຍາຍາມຢ່າງດຽວບໍ່ພໍ ອັນອື່ນນໍາ)
ແຕ່ເປັນຫຍັງລະບົບທີ່ບີບໃຫ້ສາວນ້ອຍຫນ້າຣັກສົດໃສຕ້ອງມີນໍ້າຕາຄືຍັງຢູ່ໄດ້?
ເງິນແມ່ນຄໍາຕອບຂອງຄໍາຖາມ ເດືອນກ່ອນໆ ມີການປະມູນຣູບຂອງສະມາຊິກວົງເກນກັນໄປສູງຣອດສອງສີ່ເກືອບຫ້າແສນບາດ ເປັນເງິນບ້ານເຣົາປະມານ ຣ້ອຍປາຍລ້ານກີບ
ຄົນທີ່ຊະນະໄປແມ່ນ ອາຈານສອນມະຫາໄລຖ້າຈື່ບໍ່ຜິດ ແນ່ນອນຄົນລະດັບນີ້ກ່ອນຊິເຣັດຫຍັງແບບຊີ້ຄືຊິຄິດດີແລ້ວ
ມື້ນີ້ມີແອັບອອກໃຫມ່ໃຫ້ pay ແຂ່ງກັນ https://imgur.com/a/ekXZxrT
ແຕ່ລະຄົນຈ່າຍລົວໆຣອດແສນກະມີ ແຈ້ງເລີຍວ່າແຟນຄຮັບບໍ່ສົນເລື່ອງເງິນແພງເທົ່າໃດກໍຈ່າຍໄດ້ ຄືໃນມຸມຂອງຄົນນອກແລ້ວມັນຄືຊິບ້າຫລາຍ ຄົນບ້າຫຍັງຈ່າຍເງິນໃຫ້ຜູ້ຍິງຫລາຍປານນັ້ນ ເສຍເປັນແສນແຂນກະບໍ່ໄດ້ຈັບ ໄດ້ຈັບແຕ່ມືເທື່ອລະແປດວິ
ສ່ວນຕົວ ຄິດວ່າກໍາລັງໃຈແມ່ນສິ່ງທີ່ຄົນເຫລົ່ານີ້ຕ້ອງການ ແນ່ນອນວ່າ ກວ່າຫລາຍໆຄົນຊິມາຣອດຈຸດນີ້ ຈຸດທີ່ຈ່າຍເງິນເປັນຣ້ອຍລ້ານກັບຣູບກະບໍ່ສະເທືອນກະເປົາ ຄືຊິຜ່ານອິຫຍັງມາຫລາຍ ການຈິງຈັງກັບບາງສິງບາງຢ່າງຫລາຍເກີນໄປມັນອາດຈະເຣັດໃຫ້ເຣົາປະສົບຄວາມສໍາເລັດ ແຕ່ບາງເທື່ອຍ້ອນແນວນີ້?ເລີຍຫາກໍາລັງໃຈຈາກສະພາບແວດລ້ອມອ້ອມຂ້າງໄດ້ຍາກ
ມັນເລີຍເປັນສີ່ງທີ່ມີຄ່າຫລາຍສໍາລັບໃຜຫລາຍຄົນ ແລ້ວສາວນ້ອຍວົງນີ້ພັດມາຕອບສະຫນອງຈຸດນັ້ນໄດ້ພໍດີ ທຸລະກິດກໍເລີຍດໍາເນີນກັນຕໍ່ໄປ ແມ່ນຢູ່ວ່າການຫາເງິນຫລາຍພໍທີ່ຈະຈ່າຍລະດັບນັ້ນໄດ້ສະບາຍໆເປັນເລື່ອງດີຫລາຍ ແຕ່ກໍາລັງໃຈຈາກຄົນທາງຂ້າງຍ່ອມມີຄ່າກວ່າກໍາລັງໃຈຈາກຄົນທີ່liveໃນຕູ້ແກ້ວແນ່ນອນ
