ມັກຊື້ເຄື່ອງຢູ່ AliExpress ແຕ່ບາງຄັ້ງເຄື່ອງມັນຈະນານຮອດ. ດົນຈົນ 1-2 ເດືອນຈຶ່ງຮອດກໍມີ ແຕ່ຫຼັງໆຈັບຈຸດໄດ້ແລ້ວວ່າເປັນຫຍັງມັນຈຶ່ງນານຮອດ
ໂດຍຫຼັກໆແມ່ນເຄື່ອງຂະໜາດນ້ອຍໆ ເຊັ່ນ: case ໂທລະສັບເປັນຕົ້ນ. ສາເຫດກໍຍ້ອນພວກເຄື່ອງນ້ອຍ ມັນຈະສົ່ງເປັນ small package ຫຼື ຊອງຈົດໝາຍ ເຊິ່ງຈະໃຊ້ເວລາດົນ. ມື້ນີ້ເຮົາຈະມາແນະນຳວິທີສັ່ງເຄື່ອງໃຫ້ໄດ້ໄວຂຶ້ນດັ່ງນີ້:
ກ່ອນຈະສັ່ງເຄື່ອງໃດໆໃນ AliExpress ໃຫ້ສັງເກດເບິ່ງບ່ອນ Shipping ດີໆ
ຫາກມັນຕັ້ງໄວ້ໃຫ້ເປັນ Free Shipping, ເປັນ Small Package ຫຼື China NL ຯລຯ ແມ່ນຈະໃຊ້ເວລາດົນຈຶ່ງມາຮອດ
ໃຫ້ເຮົາຄລິກເພື່ອປ່ຽນວິທີການຂົນສົ່ງເຄື່ອງໃໝ່. ໂດຍແນະນຳໃຫ້ເລືອກເປັນ AliExpress Standard Shipping ຫຼື ເປັນ AirMail ເປັນຢ່າງຕ່ຳ. ຈຸດດີຄືເຮົາຈະໄດ້ເຄື່ອງໄວປະມານ 7-15 ມື້, ແຕ່ຈະມີຄ່າໃຊ້ຈ່າຍເພີ່ມເຕີມ.
ຫາກໃຜບໍ່ຢາກຖ້າເຄື່ອງດົນເປັນເດືອນໆກໍແນະນຳໃຫ້ໃຊ້ວິທີນີ້ເລີຍ.
ໄປລະ ບ.ບ.
