ສິ່ງແວດລ້ອມສົ່ງຜົນຕໍ່ວິທີຄິດກັບຄືນຫາສັກກະຍະພາບຂອງຄົນເຮົາ

BOBcgi

ຖ້າສ້າງໃຫ້ຄົນລຸ້ນໃຫມ່ ອົດທົນດັງຫຸ່ນຍົນ ມີຫົວໃຈດັ່ງນັກກິລາ ສຶກສາສິ່ງທີ່ຕົນເອງຫລົງໄຫລດັງສານເສບຕິດ ແລ້ວປະເທດກໍຈະໄດ້ກຳລັງຂັບເຂື່ອນທີ່ຊົງພະລັງເກີດຂຶ້ນ ສາມາດນຳທັນປະເທດທີ່ພັດທະນາຢູ່ໄດ້ສຳເລັດ ເສດຖະກິດດີຂຶ້ນ ການເປັນຢູ່ຂອງສ່ວນລວມກໍດີຕາມ ກະຈ່າຍເມັດເງິນເຂົ້າເຖິງຈຸດອ່ອນພາຍໃນປະເທດໄດ້

ແຕ່...ຮາກຖານວັດທະນະທຳທາງສັງຄົມໃນບາງຢ່າງຂອງບ້ານເຮົາ ບໍ່ສອດຄ່ອງກັບແນວຄິດນີ້ປານໃດ

ວັດທະນະທຳມີແນວໂນ້ມ ເຮັດໃຫ້ຄົນເຕີບໂຕມາເພື່ອໂທດປັນຫາ ແຕ່ບໍ່ແກ້ປັນຫາ

ວັດທະນະທຳປູກຝັງຄວາມຄິດເຮົາ ໃຫ້ຄິດງ່າຍເກີນໄປ ຫລື ຄິດຫລາຍ ແຕ່ຫລາຍບໍ່ພໍ

"ຢ່າເປັນຄົນຄິດຫລາຍ" ເປັນຫຍັງຕ້ອງສອນກັນແບບນີ້
"ຄິດຫລາຍ ເທົ່າກັບ ບໍ່ມີຄວາມສຸກ" ໃຜເປັນຄົນລິເລີ່ມແນວຄິດນີ້

ຄວາມຄິດຄືຈຸດເລີ່ມຕົ້ນຂອງການກະທຳ ຄິດຫລາຍໆເພື່ອພາດຫນ້ອຍໆແນ່ກະດີ

ວັດທະນະທຳທາງສັງຄົມ ຍັງເຫັນເປັນເລື່ອງປົກກະຕິ ສອນກັນໃຫ້ມັກງ່າຍ ສະທ້ອນເຖິງວັດທະນະທຳການດຳລົງຊີວິດຄື:

"ວິທີຮັກສາເວລາທີ່ງ່າຍທີ່ສຸດ"

ບໍ່ຈຳເປັນຕ້ອງ "ຍາກ" ຖ້າໄຟແດງ ລ່ວງເລີຍຈະ "ງ່າຍ"ກວ່າ.

"ວັດທະນະທຳງ່າຍໆ ຈັ່ງໃດກະໄດ້" ແລ້ວມື້ໃດ ເຮົາຈະສ້າງຍານອາວະກາດໄດ້

Tramyyumi

ຊັ້ນເຮົາກໍມາຊ່ວຍກັນຄົນລະໄມ້ຄົນລະມື ເລີ່ມສະແດງອອກແຕ່ຕົວເຮົາ ຈະເປັນແຮງບັນດານໃຈ, ເປັນແບບຢ່າງ, ເປັນຕົວສົ່ງຜົນກະທົບໄປຍັງຄົນອ້ອມຂ້າງ ຖຶງຈະເປັນພຽງສັງຄົມນ້ອຍ ແຕ່ລອງຄິດເບິ່ງນະ ຫາກສັງຄົມນ້ອຍ ໆ ນັ້ນໄດ້ພົວພັນກັບສັງຄົມອື່ນ ແລະ influence ຄົນອື່ນຕໍ່ ໆ ໄປ ນັບຈາກນີ້ອີກ10ປີ 20ປີ ສັງຄົມມັນຕ້ອງປ່ຽນແປງແນ່ນອນ

ຊັ້ນແທນທີ່ຈະຊີ້ບອກບັນຫາແລ້ວຖົກຖຶງຄວາມຮ້າຍແຮງຜົນກະທົບຂອງມັນ ເຮົາມາໂຟກັສລົມກັນເລື່ອງວິທີແກ້ແລະປະຕິບັດຕົວຈິງກັນດີກວ່າເນາະ 🙂

ວິທີງ່າຍ ໆ ເລີ່ມຈາກຕົວເຮົາເອງ ຫາກມີຄົນທີ່ "ຄິດຫຼາຍ" ຢູ່ຂ້າງເຮົາ ເຮົາກໍ່ຮັບຟັງແລະບໍ່ reject ຄົນ ໆ ນັ້ນ

ຄົນຂັບລົດຝ່າໄຟແດງ? ຊັ້ນເຮົາກະບໍ່ເຮັດ ເຮົາກໍຈອດຢູ່ນັ້ນ ຖຶງແມ່ນວ່າສອງຂ້າງຊ້າຍຂວາຈະບໍ່ມີລົດ ເຮັດແບບນີ້ຢ່າງໜ້ອຍມັນກໍລົດຄວາມເປັນໄປໄດ້ທີ່ຄົນທາງຫຼັງເຮົາຈະຝ່າໄຟແດງລົງໄດ້ນະ! (ຫຼັກຈິດຕະວິທະຍາ)

ມາຮອດນີ້ ຢາກບອກວ່າ ສັງຄົມປະກອບຂຶ້ນຈາກມະນຸດ ແລະມະນຸດກໍເປັນສິ່ງທີ່ປ່ຽນແປງໄດ້

ເພາະສະນັ້ນ ຢ່າຟ້າວໝົດຫວັງກັບປະເທດລາວນ້າາາາາ