ຍຸກ 1.0 ເປັນຍຸກກະຊິກຳ, ຄ້າຂາຍທົ່ວໄປ ທີ່ໃຊ້ແນວຄິດດັ່ງເດີມປະຕິບັດສືບຕໍ່ກັນມາ
ຍຸກ 2.0 ເປັນຍຸກອຸດສາຫະກຳເບົາ ທີ່ຄົນລາວໄດ້ຮຽນຮູ້ການປະດິດ ຫຼື ນຳໃຊ້ເຄື່ອງມືວັດຖຸໃຊ້ສອຍໃຫ້ສອດຄ່ອງກັບການກະຊິກຳ ຫຼື ສອດຄ່ອງກັບການໃຊ້ຊີວິດປະຈຳວັນ
ຍຸກ 3.0 ເປັນຍຸກອຸດສາຫະກຳໜັກ ທີ່ເນັ້ນການຜະລິດໃຫ້ຫຼາຍຂຶ້ນ, ສະດວກຂຶ້ນ ແລະ ໄວຂຶ້ນ ໃນການໃຊ້ຊີວິດປະຈຳວັນຂອງຜູ່ຄົນ ຍົກຕົວຢ່າງ ໂຮງງານຜະລິດວັດຖຸ-ອາຫານ
ສະນັ້ນຍຸກ 4.0 ຈຶ່ງເປັນຍຸກທີ່ໃຊ້ວັດແທກວິວັດທະນາການຂອງມະນຸດໃນປັດຈຸບັນ ກ່ຽວກັບຄວາມສະດວກສະບາຍທີ່ສູງຂຶ້ນກວ່າຍຸກຜ່ານໆມາ
ພາບລວມຂອງຍຸກ 1.0 - 4.0 ຈຶ່ງໝາຍເຖິງ "ວິວັດທະນາການທາງການດຳລົງຊີບ, ການເປັນຢູ່ ສົ່ງຜົນຕໍ່ການໃຊ້ຊີວິດຂອງມະນຸດໃນປັດຈຸບັນ"
ສະນັ້ນຈຶ່ງສະຫຼຸບໄດ້ດັ່ງນີ້ວ່າ:
"4.0 ເກີດມາຈາກວິທີຄິດ"
4.0 ເກີດມາຈາກວິວັດທະນາການທາງຄວາມຄິດ, ການຕໍ່ຍອດ, ການພັດທະນາຈາກຄວາມຄິດທີ່ເຄີຍກະທຳຜ່ານມາກໍເທົ່ານັ້ນ
ຖ້າສົມມຸດ ຍັງຢຶດຕິດ ຄິດແບບ 0.4 ຢູ່ ບໍ່ສາມາດຂ້າມໄປ 4.0 ໄດ້
ການວິວັດທະນາການຂອງຄົນເຮົາ ເລີ່ມຕົ້ນທີ່ 0.4 ເມື່ອເລີ່ມເປີດໃຈໄດ້ແລ້ວ ຈຶ່ງໄປ 1.4
ເມື່ອຮຽນຮູ້ໄດ້ແລ້ວ ຈຶ່ງແມ່ນ 2.4 ເມື່ອພິສູດໄດ້ແລ້ວ ກໍໄປ 3.4 ເມື່ອປະຕິບັດໄດ້ແລ້ວ ຈຶ່ງແມ່ນ 4.4
ອະນາຄົດກໍອາດສູງເຖິງ 99.0 ຕາມວິວັດທະນາການຂອງຄວາມຄິດສົ່ງຜົນກາຍເປັນການກະທຳຂອງຜູ່ຄົນ
ສະນັ້ນ 4.0 ຈຶ່ງເປັນພຽງໂຕເລກ ໄວ້ວັດແທກການໃຊ້ຊີວິດທົ່ວໄປຂອງສັງຄົມກໍເທົ່ານັ້ນ
"ຄວາມຄິດທີ່ອາດໄຮ້ສາລະໃນປັດຈຸບັນ ແຕ່ມີສາລະໃນອານາຄົດ ກາຍເປັນສິນຄ້າ ກາຍເປັນການຜະລິດ ສົ່ງຜົນກະທົບ ຄືນກັບຫາຄົນທົ່ວໄປນັ້ນເອງ"
ເທັກໂນໂລຢີ ແລະ ນະວັດຕະກຳໃໝ່ໆຈຶ່ງຕາມມາທີ່ຫລັງ "ຈາກຄວາມຄິດໃຫມ່ໆ"
ສຳລັບເຮົາແລ້ວ 4.0 ເປັນພຽງຕົວເລກທີ່ໃຊ້ວັດແທກ ຈາກການກະທຳທີ່ຜ່ານມາສົ່ງຜົນຕໍ່ວິທີຄິດໃໝ່ໆ ເອົາໄວ້ຈັດການສິ່ງໃດສິ່ງໜຶ່ງ ໃນການໃຊ້ຊີວິດຂອງມະນຸດນະປັດຈຸບັນນັ້ນເອງ
4.0 ເປັນພຽງໂຕເລກເຊີງປຽບທຽບ ຈຶ່ງສະຫຼຸບໄດ້ສັ້ນໆວ່າ "ບໍ່ມີຂອບເຂດທາງຄວາມຄິດ, ເສລີທາງຄວາມຄິດ, ຄວາມຄິດທີ່ອິດສະຫຼະ"
ຖ້າສັງຄົມປ່ຽນຖ່າຍຈາກຄວາມຄິດດັ່ງເດີມໄດ້ "ກໍຈະບໍ່ມີຂີດຈຳກັດທາງຄວາມຄິດຫລົງເຫລືອໄວ້"
ປຽບທຽບໃສ່ປະເທດລາວຂອງພວກເຮົາ ທຸກມື້ນີ້ ປະຕິເສດບໍ່ໄດ້ວ່າ ສັງຄົມສ່ວນໃຫຍ່ ຍັງປູກຝັງກັນວາງຂອບເຂດກົດເກນທາງຄວາມຄິດຕ່າງໆນາໆ ຂໍອະນຸຍາດພຽງສົງໃສວ່າ ປະເທດຂອງເຮົາ ຈະລັດໄປ 4.0 ໄດ້ວິທີໃດ?
ຖ້າແກ້ໄຂທີ່ລະບົບພາບລວມການເປັນຢູ່ຂອງຜູ່ຄົນພາຍໃນປະເທດສາມາດຊ່ວຍໄດ້ບໍ່?
ແລ້ວພາບລວມຂອງປະເທດນີ້ ປັນຫາມັນເກີດຂຶ້ນມາຈາກຫຍັງ?
ຕ້ອງແກ້ຢູ່ທີ່ຈຸດໃດ ຈຶ່ງຈະຂ້າມໄປຍຸກ 4.0 ໄດ້ຢ່າງແທ້ຈິງ (ບໍ່ແມ່ນໄຫລໄປຕາມ ຄ່ານິຍົມຂອງໂລກ ແຕ່ເບິ່ງຂ້າມແກ້ນແທ້ຂອງການພັດທະນາ)
ມັນຄືການຢ່າງຕາມຫລັງເຂົາ ບໍ່ແມ່ນຢ່າງທັນ ຫລື ນຳເຂົາ
ຖ້າປຽບທຽບປະເທດເປັນຄົນໆຫນຶ່ງ "ມັນບໍ່ແມ່ນໂຕຕົນຂອງເຮົາ"
ໂຕຕົນຄືຄວາມແຕກຕ່າງຂອງຄົນໆນັ້ນ "ປະເທດກໍເຊັ່ນດຽວກັນ"
ນະວັດຕະກຳໃຫມ່ໆກໍຕາມມາເອງ ຖ້າເຫັນຕົນເອງ
ປຽບທຽບປະເທດ ຍີ່ປຸ່ນ
ສັນຍາລັກ "BNK" ນະວັດຕະກຳຄວາມບັນເທີງຮູບແບບໃຫມ່ນີ້ ເກີດຈາກຄວາມຄິດ ທີ່ແປກໃຫມ່ ຂອງຄົນຢີປຸ່ນ "ຄວາມຄິດ" ທີ່ອາດຈະໄຮສາລະນີ້ ໄດ້ສ້າງອິດທິພົນທີ່ສູງຫລາຍ ສົ່ງຜົນຕໍ່ການໃຊ້ຊີວິດຂອງຜູ່ຄົນທີ່ອາໄສຢູ່ໃນປະເທດອ້ອມຂ້າງ
ຫວັງວ່າຈະເປັນ 1 ຕົວຢ່າງທີ່ດີ ກ່ຽວກັບໂຕຕົນຂອງປະເທດຢີ່ປຸ່ນ
ກັບມາປະເທດລາວຂອງເຮົາ
ກ່ຽວກັບການປ່ຽນຖ່າຍໄປຍຸກ 4,0
ຄຳຖາມທີ່ຢາກຖາມທີ່ສຸດ
ອາດີດຫາປັດຈຸບັນ
ເຮົາເຫັນ "ໂຕຕົນ" ຫລື "ຄວາມຄິດ" ຂອງເຮົາເອງແລ້ວຫລືຍັງ?
ສະນັ້ນ ຍຸກ 4,0 ຈຶ່ງແມ່ນຍຸກທີ່ຜູ່ຄົນພັດທະນາຄວາມຄິດຈາກການກະທຳຜ່ານມາ ເທັກໂນໂລຊີຈຶ່ງຕາມມາທີ່ຫລັງ
"ປະເທດທີ່ຜູ່ຄົນບໍ່ວາງຂອບເຂດທາງຄວາມຄິດ"
ຖ້າປະເທດລາວເຮົາຢາກຂ້າມໄປ 4,0 ຕ້ອງແກ້ຢູ່ທີ່ຈຸດໃດຈຶ່ງຈະໄດ້ຜົນລັບສູງສຸດ?
ຄຳຕອບສ່ວນໂຕ ມີຢູ່ໃນບົດຄວາມຂອງຂ້າພະເຈົ້າແລ້ວວ່າ
ເຮົາເຫັນ "ໂຕຕົນ" ຫລື "ຄວາມຄິດ" ຂອງເຮົາເອງແລ້ວຫລືຍັງ
