ໃນປີ 2018 ທີ່ຜ່ານມາ Microsoft ໄດພັດທະນາ Surface Phone ທີ່ເອີ້ນວ່າໂປຣເຈັກ Andromeda ທີ່ຄາດວ່າຈະເປັນອຸປະກອນທີ່ມີໜ້າຈໍພັບໄດ້
ລ່າສຸດ Forbes ລາຍງານວ່າ ອຸປະກອນ Surface ຈໍພັບໄດ້ຂະໜາດນ້ອຍ ມີກຳນົດການເປີດໂຕໃນຊ່ວງກາງປີ 2020 ໂດຍມີຄວາມເປັນໄປໄດ້ວ່າອາດເປັນໄຕມາດທຳອິດ.
Project Andromeda
Jeff Lin ທີ່ມີຕຳແໜ່ງເປັນ IHS Markit Associate Director ໄດ້ກ່າວວ່າ ອຸປະກອນ Surface ຈໍພັບໄດ້ ເມື່ອເປີດໜ້າຈໍອອກ ຈະມີຂະໜາດ 9ນິ້ວ ໂດຍຈະໃຊ້ຊິບເຊັດ Ladefield ລະດັບ 10ນາໂນເມັດ ແລະ ຈະ Run ລະບົບປະຕິບັດການ Window 10 ທີ່ເອີ້ນວ່າ WCOS (Window Core OS) ພ້ອມ UI ແບບ 2 ໜ້າຈໍ
ນອກຈາກນີ້ ອຸປະກອນດັ່ງກ່າວຈະຮອງຮັບ LTE ຫຼື 5G ແລະ ທີ່ສຳຄັນຄື ຈະຮອງຮັບ App Android ແລະ iCloud ໃນ Window 10 ນຳດ້ວຍ.
(ຮູບພາບຈາກ The Verge)
ເມື່ອຊ່ວງຕົ້ນເດືອນມິຖຸນາ 2019 ທີ່່ຜ່ານມາທາງ The Verge ໄດ້ເປີດເຜີຍພາບອຸປະກອນ Surface ແບບໜ້າຈໍຄູ່ຂອງ Microsoft ຊຶ່ງມີລະຫັດຊື່ວ່າ Centaurus ທີ່ຄ້າຍຄືກັບຄອນເຊັບແທັບເລັດ Courier ຂອງ Microsoft ຫຼາຍກວ່າອຸປະກອນໂປຣເຈັກ Andomeda ທີ່ເປີດໂຕເມື່ອປີ 2018 ທີ່ຜ່ານມາ.
ແຕ່ເບິ່ງຄືວ່າໃນຕະຫຼາດຂອງອຸປະກອນມືຖື-ຈໍພັບໄດ້ນັ້ນ ເປີດໂຕໄດ້ບໍ່ຄ່ອຍດີປານໃດ ທັງ Samsung Galaxy Fold ທີ່ປະກາດວາງຂາຍ 26/04/2019 ກໍໄດ້ຖືກເລື່ອນອອກໄປ ແລະ Huawei Mate X ກໍເລື່ອນວາງຈຳໜ່າຍໄປເປັນເດືອນ 9 ປີ 2019 ນີ້ ບໍ່ແນ່ອາດຈະເລື່ອນການວາງຈຳໜ່າຍອອກໄປອີກກໍເປັນໄດ້ ເນື່ອງຈາກຍັງຢູ່ໃນການພັດທະນາທີ່ຍັງບໍ່ສົມບູນເທື່ອ.
ຂໍ້ມູນອ້າງອີງ: Phonearena 🤗
