.
ເມື່ອວັນທີ 19 ເດືອນ 6 ປີ 2019 ທີ່ຜ່ານມານີ້ ມີຂ່າວຊ໊ອກວົງການ-ການເງິນໂລກ, ເມື່ອ Facebook ແລະ ບໍລິສັດພັນທະມິດໄດ້ປະກາດເປີດໂຕສະກຸນເງິນດິຈິຕອລຂອງໂຕເອງຊື່ວ່າ Libra (ລິ-ບຣ້າ) ສະກຸນເງິນຈາກ Facebook ທີ່ພັດທະນາຮ່ວມກັບບໍລິສັດຊັ້ນນຳຕ່າງໆ.
Libra ແມ່ນຍັງ? ສົ່ງຜົນກະທົບກັບເຮົາ ແລະ ທັງໂລກນີ້ແບບໃດ? ເຮົາຈະມາສະຫຼຸບ-ອະທິບາຍແບບລະອຽດ ຕັ້ງແຕ່ຕົ້ນຈົນຈົບໃຫ້ພວກທ່ານໄດ້ເຂົ້າໃຈກັນ ມາອ່ານກັນເລີຍຍຍຍຍຍ 😁 😁 😘
.
.
Libra ແມ່ນຫຍັງ?
.
Libra ເປັນເງິນສະກຸນດິຈິຕອລທີ່ອີງຕາມບົນພື້ນຖານຂອງ Blockchain ເຕັກໂນໂລຊີທີ່ພິສູດມາແລ້ວວ່າ ເຊື່ອຖືໄດ້ສູງ ມີຄວາມໂປ່ງໃສ, ແຕ່ບໍ່ຄືກັບ Bitcoin ຕົ້ນຕະກູນເງິນ Cryptocurrency ຂອງ Satoshi Nakamoto ເພາະ Libra ຕັ້ງໃຈທີ່ຈະເປັນສະກຸນເງິນຫຼັກຂອງໂລກ.
.
.
ເຊິ່ງຈຸດຕາຍທີ່ເຮັດໃຫ້ Bitcoin ບໍ່ສາມາດໃຊ້ໃນວົງກວ້າງໄດ້ ຍ້ອນຄວາມຜັນຜວນທີ່ສູງຂອງມັນ, ຕົວຢ່າງເຊັ່ນ ມື້ນີ້ເຮົາຊື້ Bitcoin ໃນລາຄາ 10,000 ກີບ ແຕ່ມື້ຕໍ່ມາ Bitcoin ພັດລາຄາຕົກລົງເຫຼືອ 5,000 ກີບ ກໍເປັນໄດ້, ເຮັດໃຫ້ມັນເໝາະແກ່ພວກທີ່ມັກເກັງກຳໄລຫຼາຍກວ່າຈະມາເປັນເງິນຊື້ຂາຍຂອງຈິງ, ເຊິ່ງ Libra ສາມາດແກ້ໄຂບັນຫານີ້ໄດ້.
.
.
Libra ນັ້ນປຍບສະເໝືອນເງິນສົດ ທີ່ຢູ່ໃນສະມາດໂຟນໃນອະນາຄົດ ທ່ານສາມາດຊື້ຫຼຽນ Libra ໄດ້ຈາກ ແອັບ Libra wallet, ຮ້ານມິນິມາກ ຫຼື ຮ້ານຂາຍຂອງແຫ້ງຕ່າງໆໄດ້, ວິທີການຊື້ຫຼຽນຄື ທ່ານສາມາດຈ່າຍເງິນສົດເພື່ອຊື້ຫຼຽນ Libra ຈາກຮ້ານຄ້າໄດ້ເລີຍ ຫຼື ຈະເວົ້າໃຫ້ເຂົ້າໃຈອີກຢ່າງໜຶ່ງຄື ເຮົາເຕີມເງິນໃສ່ບັດ ແລ້ວເອົາບັດນັ້້ນໄປຈ່າຍຢູ່ໃສກະໄດ້ໃນທົ່ວໂລກນັ້ນເອງ.
.
.
ຮູບແບບການເຮັດວຽກຂອງ Libra
Libra ມິຮູບແບບການເຮັດວຽກເປັນ Stable Coin ຫຼື ຄ່າເງິນສົດຄົງທີ່ (ຫຼື ພະຍາຍາມຈະຄົງທີ່) ບໍ່ວ່າເວລາຈະຜ່ານໄປດົນປານໃດນັ້ນເອງ, ເຊິ່ງການທີ່ຈະເຮັດແບບນີ້ໄດ້ເຮົ້າຕ້ອງນຳໃຊ້ຫຼັກການ ນຳຊັບສິນມາຄ້ຳປະກັນ ແລ້ວຈຶ່ງເພີ່ມເງິນໃນລະບົບ ແນວຄິດນີ້ມັນຄືຫຼັກການດຽວກັບການພິມເງິນໃນປະເທດນັ້ນເອງ, ເມື່ອຕ້ອງການໃຫ້ເງິນໃນລະບົບ Libra ມີຫຼາຍຂຶ້ນ ກໍ່ຕ້ອງມີຜູ້ລົງທຶນເອົາຊັບສິນມູນຄ່າທຽບເທົ່າຈຳນວນຫຼຽນຂອງ Libra ທີ່ຈະເພີ່ມຂຶ້ນໄປວາງຄ້ຳປະກັນໄວ້ ແລ້ວຖ້າຈະຖອນຊັບສິນທີ່ຄ້ຳປະກັນໄວ້ອອກມາ ກໍຕ້ອງເກັບເງິນໃນລະບົບເທົ່າກັບຈຳນວນຊັບສິນນັ້ນອອກໄປ ເຮັດໃຫ້ເງິນ Libra = ຂອງທີ່ມີມູນຄ່າຈິງ, ຄ່າເງິນຈິງບໍ່ໄດ້ຂຶ້ນໆ-ລົງໆ ຄືກັບ Bitcoin ແລະ Cryptocurrency ທົ່ວໄປ ທີ່ເອົາກຳລັງຂຸດ ມາແທນມູນຄ່າຊັບສິນ.
.
.
ຊັບສິນທີ່ນຳມາຄ້ຳປະກັນມີຫຍັງແນ່?
.
ຄາດການວ່າ Facebook ຈະໃຊ້ໃນການອ້ງອີງ ຫຼື ຄ້ຳປະັກນຂອງມູນຄ່າ ຂອງເງິນ Libra ອາດຈະບໍ່ແມ່ນເງິນ Fiat (ເງິນທີ່ອອກໂດຍລັດຖະບານ) ສະກຸນໃດສະກຸນໜຶ່ງພຽງສະກຸນດຽວ, ແຕ່ອາດຈະເປັນການອ້າງອີງກັບເງິນໃນສະກຸນຫຼັກ ຕາມຄອນເຊັບ ກະຕ່າເງິນ(Currency basket) ທີ່ອາດຈະປະກອບດ້ວຍເງິນສະກຸນຕ່າງໆ ທີ່ໄດ້ຮັບການຍອມຮັບໃນລະດັບສາກົນ ເຊັ່ນ: ເງິນໂດລ່າ, ຍູໂຣ, ເຍັນ, ປອນ, ຟຣັງ, ຫຍວນ...ໆລໆ ໃນອັດຕາສ່ວນທີ່ເໝາະສົມ ເຊິ່ງຈະເຮັດໃຫ້ Libra ມີສະຖຽນລະພາບໜ້າເຊື່ອຖືກວ່າ ການອ້ງອີງມູນຄ່າໄວ້ກັບຊັບສິນຊະນິດໃດຊະນິດໜຶ່ງເຊັ່ນ: ທອງຄຳ,ນ້ຳມັນ ຫຼື ເງິນ Fiat ສະກຸນໃດສະກຸນໜຶ່ງພຽງສະກຸນດຽວ, ສ່ວນຄົນທີ່ລົງທຶນຊັບສິນໄວ້ ກໍ່ຈະໄດ້ຜົນຕອບແທນຈາກດອກເບ້ຍ ຈາກເງິນທີ່ຄ້ຳປະກັນຢູ່.
.
.
ບໍລິສັດທີ່ຈະເຂົາມາໃຫ້ການສະໜັບສະໜູນ ມີສ່ວນຮ່ວມໃນການປະມວນຜົນ, ຢືນຍັນທຸລະກຳ ເຮັດໜ້າທີ່ Nodes(ເຄື່ອງເຊີຟເວີ້ທີ່ໃຊ້ໃນການປະມວນຜົນ ການເຮັດທຸລະກຳທີ່ເກຮດຂຶ້ນໃນ Network ນັ້ນໆ) ຂອງເຄືອຂ່າຍສະກຸນເງິນນີ້ ຕ້ອງໄດ້ຮັບການອະນຸມັດ ແລະ ຈ່າຍຄ່າທຳນຽມໃຫ້ກັບ Facebook ເປັນເງິນ 10 ລ້ານໂດລ່າ 🤑 ສຳຫຼັບສິດທິໃນການເຂົ້າເຖິງຂໍ້ມູນ ແລະ ເປີດໃຊ້ງານເຄືອຄ່າຍ.
.
.
ຕອນນີ້ມີໃຜຮຸ້ນກັບ Libra ແລ້ວແນ່?
.
.
.
ນະຈຸດໆນີ້ ບໍລິສັດຊັ້ນນຳຈາກຫຼາຍພາກທຸລະກິດ ຮວມໄດ້ 27 ບໍລິສັດສະແດງຄວາມສົນໃຈໃນການເຂົ້າຮ່ວມເປັນສ່ວນໜຶ່ງຂອງໂຄງການນີ້ເຊັ່ນ: Paypal, Visa, Mastercard, Booking.com, Uber, Ebay, Lyft, Vodafone, Stripe, Bookling Holding, FAcebook ແລະ ອື່ນໆ , ບໍລິສັດ Blockchain ຢ່າງ Coinbase, Anchoreage ຮວມທັງກອງທຶນ Andreessen Horowitz, Breakthrough Initiatives ເຊິ່ງສັງເກດໄດ້ວ່າຕອນນີ້ຍັງບໍ່ມີ ບໍລິສັດຈາກຈີນ ຫຼື ທະນາຄານຊັ້ນນຳຕ່າງໆ ເຂົ້າຮ່ວມເທື່ອ.
.
.
ລະບົບ Smart Contact ຂອງ Libra
.
Libra ມີ Smart Contact ຫຼື ຫຼຽນທີ່ມີສັນຍາອັດສະລິຍະ ເຊິ່ງນັກພັດທະນາສາມາດນຳໄປຂຽນ Code ຕໍ່ຍອດພັດທະນາເພີ່ມເຕີມໄດ້ ແລະ ຂຽນດ້ວຍພາສາ Move ເຊິ່ງເປັນພາສາໃໝ່ ✍ ທີ່ຖືກພັດທະນາມາສຳຫຼັບຫຼຽນ Libra ໂດຍສະເພາະ.
.
.
ຈະໃຊ້ງານ Libra ໄດ້ແນວໃດ?
ກ່ອນຈະເລີ່ມໃຊ້ງານ Libra ໄດ້ນັ້ນ ເຮົາຕ້ອງເຮັດການຢືນຍັນໂຕຕົນເສຍກ່ອນ ໂດຍການໃຊ້ Photo ID ຫຼື ເອກະສານປະຈຳໂຕທີ່ມີຮູບຖ່າຍເຊັ່ນ: ບັດປະຈຳໂຕ, ໃບຂັບຂີ່, ດ້ວນຂະບວນການ e-KYC ຫຼື ການກວດສອບໂຕຕົນທາງອີເລັກໂທຣນິກ ຫຼັງຈາກນັ້ນເຮົາກໍຈະສາມາດໃຊ້ງານ Libra ໄດ້ ຜ່ານກະເປົ໋າເງິນອີເລັກໂທຣນິກ ຊື່ວ່າ Calibra ໄດ້ທັນທີ.
.
.
Calibra ກະເປົ໋າເງິນຂອງ Libra ໂຕທຳອິດຂອງໂລກ
.
ໃນຊ່ວງທຳອິດ Facebook ໄດ້ສ້າງ Libra wallet ຂອງໂຕເອງຊື່ວ່າ Calibra ເພື່ອຈັດການເງິນ Libra ຂອງທ່ານ ບໍ່ວ່າຈະໂອນ/ຈ່າຍ/ເຕີມເງິນ ເພື່ອໃຊ້ໃນຊີວິດປະຈຳວັນໄດ້ສະດວກ ແລະ ຍັງສາມາໃຊ້ງານຮ່ວມກັບ WhatsApp ແລະ Facebook Messenger ໄດ້, ເຊິ່ງ Calibra ນັ້ນເປັນບໍລິສັດແຍກຈາກ Facebook ເພື່ອໃຫ້ຜູ້ໃຊ້ໝັ້ນໃຈວ່າ ຂໍ້ມູນທຸລະກຳຕ່າງໆ ຈະບໍ່ຜູກມັດກັບເຟສບຸ໊ກຫຼາຍເກີນໄປ, ເນື່ອງຈາກວີລະກຳເລື່ອງຄວາມເປັນສ່ວນຕົວຕ່າງໆ ທີ່ເຟສບຸ໊ກເຮັດກັບເຮົາ ເຮົາກໍຍັງເຊື່ອຖືບໍ່ໄດ້ 100% ຢູ່ດີ.
.
.
ຍ້ອນສາເຫດນີ້ Facebook ຈຶ່ງໄດ້ສ້າງ e-Wallet ຂອງໂຕເອງຊື່ວ່າ Calibra ອອກມາ ທີ່ໃຊ້ງານຮ່ວມກັບ WhatsApp ແລະ Facebook Messenger ໄດ້, ນອກຈາກນັ້ນ ທ່ານສາມາດ ບໍ່ໃຊ້ຊື່-ນາມສະກຸນ ແທ້ ໃນການຍືນຍັນໂຕຕົນເພື່ອຊື້ສິນຄ້າ ແລະ ບໍລິການຕ່າງໆ, ແຕ່ການຊື້-ຂາຍ ແລກປ່ຽນຂອງ(ຂໍອະນຸຍາດເອີ້ນ)ອີ Libra ນີ້ມັນຈະປາກົດແບບສາທາລະນະຢູ່ເຟສ ເຊັ່ນ (ຕົວຢ່າງຈື່ໆເດີ້) ທ້າວ ນ້ອຍ ໄດ້ຊື້ Sex toy ຈາກຮ້ານ XXX ແບບນີ້ຊີ້ນ່າາາາ ເຮົາກະບໍ່ຢາກໃຫ້ຄົນອື່ນຮູ້ແມ່ນບໍ່ ວ່າເຮົາຊື້ຫຍັງມາ ຊື້ມາແຕ່ໃສ.
.
.
Facebook ຈຶ່ງແກ້ບັນຫານີ້ ໂດຍການຕັ້ງບໍລິສັດໃໝ່ຂຶ້ນມາຊື່ວ່າ Calibra ເຊິ່ງມັນມີໜ້າທີ່ທຸລະກຳຂອງທ່ານເອົາໄວ້ ແຍກຕ່າງຫາກຈາກຖານຂໍ້ມູນຂອງ Facebook , ນັ້ນກໍໝາຍຄວາມວ່າ Facebook ຈະບໍ່ສາມາດໃຊ້ຂໍ້ມູນທາງທຸລະກຳຂອງທ່ານໃນການຍິງໂຄສະນາເທິງ Feed ຂອງທ່ານ ຫຼື ຂາຍຂໍ້ມູນໃຫ້ກັບນັກການຕະຫຼາດໄດ້.
.
.
Libra ຈະເລີ່ມໃຊ້ງານຕອນໃດ?
Libra ເປັນຝັນໄກຂອງເຟສບຸ໊ກ ແລະ ບໍລິສັດຕ່າງໆ ທີ່ຫວັງສ້າງສະກຸນເງິນໃໝ່ທີ່ສາມາດໃຊ້ງານໄດ້ທົ່ວໂລກກກກກກ!!! ເຊິ່ງຈະເລີ່ມໃຊ້ກັນໃນປີ 2020 ເຖິງວ່າ Libra ຈະພັດທະນາແຍກໃນຖານະ Libra Assocuation ອົງກອນທີ່ບໍ່ສະແຫວງຫາຜົນກຳໄລທີ່ເຟສບຸ໊ກບໍ່ມີສິດ ຄວບຄຸມໄດ້ 100% ແຕ່ໃນພາບລວມຄື ສະກຸນເງິນທີ່ບໍລິສັດຊັ້ນນຳຂອງໂລກຮ່ວມກັນສ້າງຂຶ້ນມາ ຈຶ່ງບໍ່ສາມາດເອີ້ນໄດ້ວ່າເປັນລະບົບທີ່ Decentralized ຫຼື ບໍ່ມີສູນກາງຢ່າງເຕັມໂຕຄືກັບ Bitcoin, ແຕ່ຖ້າເບິ່ງອີກມຸມໜຶ່ງ Libra ກໍຄືເປັນຄົນຄານອຳນາດກັນລະຫວ່າງພາກລັດ ກັບ ເອກະຊົນ ທີ່ຄວບຄຸມລະບົບເສດຖະກິດມາໂດຍຕະຫຼອດ.
.
.
ເຊິ່ງແນ່ນອນວ່າການເຕມເຕັມແພຼດຟອມຂອງເຟສບຸ໊ກ ດ້ວຍສະກຸນເງິນດິຈິຕອລ Libra ຕໍ່ຈາກນີ້ຍັງຕ້ອງຜ່ານອຸປະສັກອີກຫຼາກຫຼາຍ ທັງຕ້ອງຜ່ານການກວດສອບທີ່ເຂັ້ມຂຸ້ນຂອງລັດທະບານປະເທດຕ່າງໆ ເພື່ອໃຫ້ໝັ້ນໃຈວ່າ ຈະບໍ່ເປັນຊ່ອງທາງການເງິນທີ່ນຳຄວາມຊິບຫາຍມາສູ່ປະເທດ 😬 ໂດຍສະເພາະການຮວບຕຶງຂອງຜະເດັດການ ຍ້ອນເຟສບຸ໊ກມີຜູ້ໃຊ້ຫຼາຍກວ່າ 2ພັນລ້ານຄົນ ທົ່ວໂລກ.
.
.
ມຸມມອງຂອງຜູ້ໃຊ້ງານ
ສ່ວນຜູ້ໃຊ້ງານແບບເຮົາໃຫ້ມຸມມອງ 3 ມຸມຫຼັກໆຄື:
1. ເປັນລະບົບທີ່ໃຊ້ງ່າຍ
2. ມີຄ່າທຳນຽມໃນການແລັກປ່ຽນທີ່ຕໍ່າ
3. ໃຊ້ງານໄດ້ທົ່ວໂລກກກກກກກກກກກ (ເວີ້ວັງອະລັງການງານສ້າງ 555+)
.
.
Libra ໃຊ້ຊື້ຫຍັງໄດ້ແນ່?
.
.
ລັກເຕີມໃສ່ບັດເອົາໄວ້ໄປເປຜູ້ສາວນ້ອຍ ເມຍຈຶ່ງບໍ່ຮູ້ 555+ ຢອກກກກ, ທ່ານສາມາດໃຊ້ Libra ໃຊ້ໃນການຊື້ສິນຄ້າອອນລາຍ, ຈ່າຍຄ່າບໍລິການ Uber ຫຼື Spotify (2 ອັນຫຼັງນີ້ຍ້ອນເປັນຮຸ້ນສ່ວນກັບ Facebook ເພື່ອສົ່ງເສີມໃຫ້ Libra ເປັນທີ່ນິຍົມຫຼາຍຂຶ້ນ), ສະດວກຕໍ່ການເຄື່ອນຍ້າຍຈາກບັນຊີໜຶ່ງໄປອີກບັນຊີໜຶ່ງໂດຍທີ່ບໍ່ມີການຈ່າຍຄ່າທຳນຽມ (Oh my god ຄືດີ໊ດີອ່ະ) ທີ່ຕ່າງຈາກບັດເຄຣດິດທີ່ຈະມີການຄິດຄ່າທຳນຽມເຊັ່ນ ການຊື້ປີ້ຍົນ, ບາງຮ້ານຄ້າອາດຈະໃຫ້ສ່ວນຫຼຸດ ຫຼື ຫຼຽນ Libra ໄປເລີຍຟຣີໆ ສຳຫຼັບການລົງທະບຽນ ຫຼື ການຈ່າຍດ້ວຍ Libra, ນອກຈາກນີ້ທ່ານຍັງສາມາດ ສົ່ງ-ຮັບ Libra ຈາກໝູ່ໄດ້ອີກນຳ (ແບບPaypal) ເຊິ່ງງ່າຍຄືກັບການສົ່ງຂໍ້ຄວາມຫາກັນ.
.
.
ສະຫຼຸບເປົ້າໝາຍຫຼັກຂອງເຟສບຸ໊ກ ໃນການເປີດໂຕສະກຸນເງິນດິຈິຕອລ Libra
ໄດ້ແກ່: ລົດຄວາມຫຍຸ້ງຍາກໃນການເຮັດທຸລະກຳການເງິນສືບເນື່ອງຈາກໂຄງສ້າງພື້ນຖານທາງການເງິນທີ່ຫຍຸ້ງຍາກໃນປັດຈຸບັນ, ທ່ານສາມາດໃຊ້ເງິນ Libra ໃນຊີວິດປະຈຳວັນໄດ້ເຊັ່ນ: ຊື້ກາເຟ, ຈ່າຍບິນຕ່າງໆ, ຊື້ປີ້ສາທາລະນະ ເປັນຕົ້ນ, ທ່ານສາມາດຖອນເງິນ Libra ອອກມາເປັນສະກຸນເງິນສົດໃນທ້ອງຖິ່ນນັ້ນໆທີ່ທ່ານຢູ່ໄດ້ຕະຫຼອດເວລາ ທັງຜ່ານບັນຊີທະນາຄານ ຫຼື ຮ້ານຄ້າໃກ້ບ້ານທ່ານ.
ຖ້າຫາກບໍ່ຖືກຄວບຄຸມຈົນເໜັງໂຕບໍ່ໄດ້ Libra ຈະກາຍເປັນເງິນສະກຸນດິຈິຕອລທີ່ສາມາດປ່ຽນໂລກໄດ້ ບໍ່ພຽງແຕ່ປ່ຽນພຶດຕິກຳຂອງຄົນເຮົາເທົ່ານັ້ນ.
.
.
2015 Facebook ເປີດໂຕ News Article
.
ສື່ສິ່ງພິມ 🖨 ເຈັ້ງ!!
.
.
2016 ເປີດໂຕ Live
.
ສື່ໂທລະທັດ 📺 ເຈັ້ງ!!
.
.
2020 facebook ເປີດໂຕ Libra
.
ແມ່ນຫຍັງສິ 🔮 ເຈັ້ງ!! ຕໍ່ບາດນິ 😫
