ສຳລັບກະທູ້ນີ້ແມ່ນ ຍ້ອນຜູ່ຂຽນເອງໄດ້ຍິນເລື້ອຍໆ ກ່ຽວກັບ 3 ຄຳນີ້, ແຕ່ບໍ່ຮູ້ແທ້ວ່າມັນແມ່ນຫຍັງ ເລີຍຊອກຂໍ້ມູນເບີ່ງ
(ຢາກໃຫ້ຜູ່ທີ່ເຄີຍເສັງໂດຍສະເພາະເສັງຢູ່ລາວມາແບ່ງປັນຮ່ວມກັນເດີ)
IELTS ຫຍໍ້ມາຈາກ International English Language Testing System ແມ່ນການເສັງວັດລະດັບພາສາອັງກິດທີ່ໄດ້ຕາມມາດຕະຖານສາກົນ ທີ່ປະກອບມີ ທັງ 4 ພາກຄື: ເວົ້າ, ອ່ານ, ຂຽນ ແລະ ຟັງ ເຊີ່ງຜົນຄະແນນດັ່ງກ່າວສາມາດໃຊ້ໃນການໄປຮຽນຕໍ່ ຫຼື ເຮັດວຽກຢູ່ຕ່າງປະເທດໄດ້ ບໍ່ວ່າຈະເປັນ ອັງກິດ, ອອສເຕຣເລຍ, ອາເມລິກາ, ນິວຊີແລນ, ແຄນາດາ... ເຊີ່ງລະດັບຂອງຄະແນນຈະເລີ່ມຈາກ1-9(ບໍ່ໄດ້-ດີເລິດ)
TOEIC ມີຄວາມໝາຍມາຈາກ Test of English for International Communication ແມ່ນການສອບເສັງວັດລະດັບພາສາອັງກິດສຳລັບຜູ້ທີ່ມີຄວາມຕ້ອງການສະໝັກວຽກກັບອົງກອນໃດໜື່ງ ເຊີ່ງຈະເນັ້ນໄປທີ່ ການສື່ສານ ໂດຍສະເພາະແມ່ນຄະແນນດ້ານການເວົ້າ ແລະ ຟັງ
TOEFL ມາຈາກ Test of English as a Foreign Language ແມ່ນການເສັງວັດລະດັບພາສາອັງກິດຕາມມາດຕະຖານອັງກິດ ແບບອາເມລິກາ ເພື່ອປະເມີນຄວາມສາມາດການໃຊ້ພາສາອັງກິດຂອງກຸ່ມຄົນທີ່ໃຊ້ພາສາອັງກິດເປັນພາສາທີ່ 2, ເປັນການວັດລະດັບທີ່ມີ 4 ພາກຄືກັນກັບ ການເສັງ IELTS.
ສຳລັບຜົນຄະແນນແຕ່ລະປະເພດ ຈະມີຜົນໃຊ້ໄດ້ 2 ປີ ຫຼັງຈາກການສອບເສັງ.
