ສະບາຍດີທຸກຄົນ ກ່ອນອື່ນໝົດສຳລັບກະທູ້ນີ້ຈະບໍ່ໄດ້ມາປ່າວປະກາດວ່າ Facebook ໂຕເອງຖືກ Hack ( ຫົວຂໍ້ກະທູ້ຊ່າງລໍ້ລວງເກີ໊ນ 5555...)
ທີ່ຈະມາເວົ້າມື້ນີ້ແມ່ນຫຼາຍຄົນເຄີຍເປັນບໍ່ ມີຄົນຮູ້ຈັກມາທັກທ້ວງວ່າ Facebook ຂ້ອຍຖືກ Hack, Facebook ເຂົ້າບໍ່ໄດ້ ມັນຕ້ອງມີຄົນມາ Hack ແນ່ນອນ ຫຼື ບາງຄົນທີ່ເຂົ້າມາອ່ານອາດຈະເຄີຍຄິດວ່າໂຕເອງຖືກ Hack ໆລໆ
ເຊິ່ງຖ້າເປັນຜູ້ທີ່ມີຄວາມຮູ້ເລື່ອງໄອທີຢູ່ແລ້ວໄປເບິ່ງຊ່ວຍເຂົາເຈົ້າ
ດັນ!!!!!!
ບໍ່ໄດ້ຖືກ Hack ແຕ່ຢ່າງໃດແຕ່ເກີດຈາກບັນຫາລຸ່ມນີ້ (ລວບລວມຈາກສິ່ງທີ່ເຈົ້າຂອງກະທູ້ພົບມາ):
1. ຕັ້ງລະຫັດເຟສ ແລ້ວລືມລະຫັດເອງ ລະກະວ່າໂຕເອງເຂົ້າບໍ່ໄດ້ຕ້ອງຖືກ Hack ແນ່ນອນ.
2. ຕັ້ງເຟສໃສ່ອີກເມລໜຶ່ງ ລະບາດດົນໆໄປປ່ຽນເມລ. ຮອດຍາມສິໃຊ້ເຟສປາກົດວ່າ ເຂົ້າບໍ່ໄດ້ເພາະບໍ່ແມ່ນເມລທີ່ໃຊ້ຕັ້ງເຟສໂຕນັ້ນ (ເຂົ້າເຟສແລ້ວບໍ່ Log Out ຈັກເທື່ອ ບາດປ່ຽນໂທລະສັບໃໝ່ໄດ້ Log In ເຂົ້າໃໝ່ ປາກົດວ່າບໍ່ຈື່ເມລເກົ່າ).
3. Log In ເຂົ້າເຄື່ອງອື່ນລະບໍ່ຍອມ Log Out ເຮັດມີຄົນໃຊ້ Account ໂຕເອງໂພສນັ້ນນີ້.
ອີກອັນໜຶ່ງແມ່ນຈະມີຄົນປະເພດໜຶ່ງທີ່ມາຂໍໃຫ້ Hack ເຟສຄືນໃຫ້ແນ່ ພ້ອມດ້ວຍຄຳເວົ້າທີ່ວ່າ ຮຽນໄອທີຕົວະ ຄັນຊັ້ນກະ Hack ເຟສໃຫ້ຂ້ອຍແນ່ ຂ້ອຍມີບັນຫາຊັ້ນຊີ້ນີ້ນັ້ນ ໆລໆ.
👉👉👂 ສະຫຼຸບ: ຄົນເຮົາເຂົ້າໃຈຄຳວ່າ Hack ສໍ່າໃດ? ແລະ ເປັນຫຍັງຈຶ່ງຄິດວ່າມັນ Hack ງ່າຍຂະໜາດນັ້ນ? ແລ້ວຈຸດເລີ່ມຕົ້ນທີ່ວ່າຮຽນໄອທີຕ້ອງ Hack ເຟສເປັນນິມາແຕ່ໃສ?
ຂໍຄໍາຄິດເຫັນຈາກໝູ່ເພື່ອນຊາວ Laox ນຳແນ່ ແລະ ກໍຂໍອະໄພຖ້າເຈົ້າຂອງກະທູ້ຂຽນຜິດ ຫຼື ໃຊ້ຄຳເວົ້າຫຍັງທີ່ບໍ່ຖືກຕ້ອງ, ບໍ່ເໝາະສົມ ເພາະກະທູ້ນີ້ມີຈຸດປະສົງພຽງເພື່ອສຶກສາແນວຄວາມຄິດຄົນເທົ່ານັ້ນ
ຂໍຂອບໃຈທີ່ເຂົ້າມາອ່ານ
