ສຳລັບໃຜທີ່ເປັນສາຍຊີ້ລີ້ເກົາຫຼີ ແລະ ກຳລັງຕິດຕາມເລື່ອງນີ້ຢູ່ເຂົ້າມາລົມກັນດຸ!!!
ເຈົ້າຂອງກະທູ້ຊ່ວງນີ້ຕິດເລື່ອງນີ້ແຮງ ຍ້ອນເລື່ອງລາວມັນສາມາດເບິ່ງໄດ້ເລື້ອຍໆ, ບໍ່ເຮັດໃຫ້ຕິດຫຼາຍຈົນເກີນໄປ ແຕ່ຍັງສາມາດໃຫ້ເຮົາຕິດຕາມໄດ້ຕະຫຼອດ. ສຳລັບໃຜທີ່ຍັງບໍ່ທັນເບິ່ງ ຈະມາບອກສາເຫດທີ່ເບິ່ງໄດ້ເລື້ອຍໆຍ້ອນອາດຈະມາຈາກໂຕບົດໜັງປະມານວ່າ
- ມັນເປັນໜັງຜີ ແຕ່ກະບໍ່ໄດ້ເປັນຕາຢ້ານຂັ້ນວ່າເບິ່ງບໍ່ໄດ້ເລີຍ ມີແຕ່ບາງຊີນອາດເຮັດໃຫ້ຕິດຕາໜ້ອຍໜຶ່ງ
- ຕະຫຼົກ ເພາະວ່າຕົວລະຄອນນາງເອກເປັນຄົນທີ່ຢູ່ມາຫຼາຍຮ້ອຍປີ, ເຢັນຊາ, ບ້າຂອງກິນ ແລະ ຊັງຄວາມຈົນ 😂😂😂
- ຕ້ອງຖ້າຕິດຕາມຢູ່ຕະຫຼອດວ່ານາງເອກຈະເຮັດເສັ້ນພະເອກຈັ່ງໃດແນ່ (ກວນປະສາດເດີ້ໍ່ ບໍ່ແມ່ນເຮັດໝີ່ 😆)
- ມັນເວົ້າເລື່ອງຊີວິດຫຼັງຄວາມຕາຍທີ່ແຕ່ລະຄົນຈະໄດ້ພົບປະບໍ່ຄືກັນ
- ຊີລີ້ນີ້ຟັງຊື່ແມ່ນໂຮງແຮມ ແຕ່ບໍ່ແມ່ນໂຮງແຮມທຳມະດາເພາະເປັນໂຮງແຮມຜີ! ທີ່ຈະໃຫ້ຄົນທີ່ຕາຍໄດ້ພັກຜ່ອນກ່ອນທີ່ຈະເດີນທາງໄປໂລກໜ້າ ທັງຍັງມີບໍລິການພິເສດຄືຊ່ວຍເຕີມເຕັມຄວາມປາດຖະໜາຂອງຄົນຕາຍໃຫ້ເປັນຈິງ.
- ປົມປິດສະໜາຂອງໂຕນາງເອກເອງເປັນຫຍັງຈຶ່ງຢູ່ມາຫຼາຍຮ້ອຍປີ ສິວ່າຄົນເປັນກະບໍ່ແມ່ນ ສິວ່າຄົນຕາຍກະຍັງບໍ່ແມ່ນອີກ.
ລ່າສຸດເຈົ້າຂອງກະທູ້ເບິ່ງຮອດ EP 12 ແລ້ວ ໃຜເບິ່ງຮອດໃສມາລົມກັນເບິ່ງ
