ຖືວ່າເປັນປະສົບການ ຢ່າງໜື່ງສຳລັບຕົນເອງ ມື້ນີ້. ເປັນເວລາຫລາຍປີ ທີ່ຕົນເອງກີນກະເຟມາ ແລະ ຮ້ານປະຈຳ ທີ່ມັກໄປ
ອາເມຊອນ, ໂຈມາ ຫລື ຮ້ານກະເຟ ອື່ນໆ ກໍບໍ່ເຄີຍ ປະສົບພົບພໍ ເຫດການແບບນີ້.
ມື້ນີ້ແມ່ນມື້ ທີ່ຕ້ອງໄປສຳພາດວຽກ ອອນລາຍ ເລີຍບໍ່ເລືອກທີຈະໄປ ໂຈມາ ຫລື ອາເມຊອນ ເພາະຢ້ານຄົນຫລາຍ ແລະ ລົບກວນການສຳພາດ.
ຕັດສິນໃຈ ໄປຮ້ານກະເຟ ແຖວປຳ້ນຳ້ມັນ ເຂດຫນອງໄຮ ເມືອງ ຫາດຊາຍຟອງ ນະຄອນຫລວງ ວຽງຈັນ ແທນ ເພາະລູກຄ້າບໍ່ຫລາຍ
ເວລາ 2:00 ນາທີ ຕອນບ່າຍ ໄດ້ ເຂົ້າໄປຮ້ານກະເຟ ດັ່ງກ່າວ ເລີຍສັ່ງກະເຟ ກີນລໍຖ້າ ການສຳພາດວຽກ ຫລັງຈາກ ທີ່ໄດ້ສຳພາດ ວຽກສຳເລັດໄປ ເປັນເວລາ 1 ຊົ່ວໂມງ ຈາກນັ້ນ ແບັດຄອມ ເຫລືອພຽງ 10% ດັ່ງນັ້ນ ຈື່ງໄດ້ ເອົາສາຍສາກແບັດຄອມ ມາສາກ ເພື່ອກຽມສົ່ງເອກະສານ ໃຫ້ກັບ ບໍລິສັດທີ່ສຳພາດ ໃຫ້ສຳເລັດ ກ່ອນກັບ.
ເວລາຕໍ່ມາກ່ອນຈະກັບ ທາງເຈົ້າຂອງຮ້ານ ກະເຟ ເຂົ້າມາສັ່ງ ກະເຟກິນ ໄດ້ເຫັນ ຂ້ອຍ ສາກແບັດຄອມ ແລ້ວທ້ວງຂື້ນວ່າ
ເຈົ້າຂອງຮ້ານ ” ສະບາຍແທ້ເດ້ ສາກແບັດຄອມອີກ ”
ຂ້ອຍ : ອ້າວ, ແບັດຄອມຊິໝົດ ເລີຍສາກ
ເຈົ້າຂອງຮ້ານ : ບໍ່ໄດ້ໃຫ້ສາກໃດ ເສຍຄ່າໄຟ ໃດ ສາກຫັ້ນນະ ຮູ້ບໍ່ ວ່າມັນກິນໄຟຫລາຍ ເຮັດສະບາຍແທ້.
ຂ້ອຍ: ຂ້ອຍເອງກະບໍ່ຮູ້ ວ່າເຈົ້າຫ້າມ ເພາະບໍ່ເຫັນປ້າຍ ຫ້າມ ຕິດໄວ ແລະ ພະນັກງານ ກະບໍ່ໄດ້ບອກ
ເຈົ້າຂອງຮ້ານ : ບອກພະນັກງານ ວ່າ ເຈົ້າຕ້ອງບອກລູກຄ້າ ເດີ້ ວ່າ ” ຫ້າມສາກແບັດ ຫລື ອຸປະກອນໄຟຟ້າ ທຸກຊະນິດ ມັນເປື້ອງໄຟຮ້ານ”
ຈາກນັ້ນ, ຂ້ອຍເອງກໍໄດ້ເກັບເຄື່ອງ ແລະ ປິດຄອມ ແລ້ວ ອອກຈາກຮ້ານເລີຍ ແລະ ໃນແນວຄິດຂ້ອຍເອງ ຄິດວ່າ: ການທີ່ເຈົ້າເປີດຮ້ານໃຫ້ບໍລິການລູກຄ້າ ຄົນທີ່ເຂົ້າມາກິນກະເຟ ເຈົ້າຕ້ອງມີ ມີປ້າຍ ສັນຍາລັກ ຫ້າມສາກໄຟ ຫລື ພະນັກງານ ຄວນທີ່ຈະແຈ້ງ ອັນນີ້ ມາບອກວ່າ ສະບາຍແທ້ ສາກໄຟຮ້ານຂ້ອຍ, ເຮັດໃຫ້ເສຍຄວາມຮູ້ສຶກກັບ ເຈົ້າຂອງກິດຈະການ ທີ່ເປັນຄົນລາວເຮົາ ບໍ່ມີຄວາມຄິດການ ຈັດການ ຖ້າເຈົ້າຢ້ານເສຍຄ່າໄຟ ເຈົ້າກະໄລ ລາຄາ ບວກກັບ ຄ່າກະເຟເລີຍ ຫລື ບໍ່ຊັ້ນ ເຈົ້າກະຂຽນໄວເລີຍວ່າ ສາກໄຟ 1 ຊົ່ວໂມງ ເທົ່າໃດ. ທີ່ຈີ່ງຢາກສົ່ງເສີມກິດຈະການຂອງຄົນລາວ ເຮົາ ແຕ່ຫນ້າເສຍດ້າຍ ທີ່ເຈົ້າເຮັດການບໍລິການ ແຕ່ຂາດນຳ້ໃຈບໍລິການ ແລະ ບໍລິຫານທີ່ດີ. ມີແຕ່ເງິນ ແຕ່ບໍ່ມີສະໝອງເອົາໃຈລູກຄ້າ
ສົມໝາຍ
ວັນທີ 25 ກັນຍາ 2019
