ທຳອິດຄິດວ່າຈະບໍ່ເບີ່ງ ເພາະຢ້ານເບີ່ງແລ້ວ ຈະເຮັດໃຫ້ເບີ່ງໂລກໃນແງ່ຄິດລົບເພີ່ມຕື່ມ ເຊີ່ງມັນກໍບໍ່ຜິດຄາດ ແຕ່ສີ່ງທີ່ໄດ້ມາເພີ່ມອີກອັນໜື່ງຄື ຢ້ານແມ່ງ Joker ໄປໜັກກວ່າເກົ່າອີກ 😅
ແຕ່ສຸດທ້າຍທົນຕໍ່ກະແສບໍ່ໄຫວເລີຍ ຕ້ອງໄດ້ໄປເບີ່ງ!!!
ໜັງເລື່ອງນີ້ຈະເຮັດໃຫ້ເຈົ້າຮູ້ວ່າ ສັງຄົມມັນສ້າງຄົນໄດ້, ປ່ຽນຄົນໄດ້ ແລະ ຂ້າຄົນໃຫ້ຕາຍທັງເປັນໄດ້
ໜັງຈະເປັນແນວດຣາມາ, ໂສກເສົ້າແບບສຸດຂີດ, ດຣາກສຸດໆ, ເປັນແນວໜ່ວງອາລົມສຸດໆ ຢ່າຄາດຫວັງວ່າຈະໄດ້ຍິ້ມຈາກເລື່ອງນີ້!!!
ເນື້ອໃນໂດຍລວມຂອງ “Joker“ ໃນຕອນນີ້ ແມ່ນຈະບໍ່ໄດ້ເວົ້າເຖີງການຕໍ່ສູ້ຂອງໂຕຮ້າຍກັບຮີໂຣ ອີ່ຫຍັງຈັ່ງຊັ້ນ! ແຕ່ສີ່ງທີ່ “Joker“ ພາກນີ້ນຳສະເໜີແມ່ນຈະເວົ້າເຖີງ ຄົນທຸກຈົນນ, ຄົນທີ່ດ້ອຍໂອກາດຜູ້ທີ່ຖືກສັງຄົມບີບບັງຄັບ, ກົດດັນ, ຢຽບຊຳ້, ການຖືກເອົາປຽບ ແລະ ແນມຜ່ານບໍ່ສົນໃຈ ຄືກັບເປັນພຽງກາຝາກທີ່ຢາກຕັດຖິ້ມ, ຄວາມເຫັນແກ່ຕົວຂອງຄົນທີ່ຕ້ອງການຢືນໃນສັງຄົມ, ຄົນທີ່ມີເງີນເທົ່ານັ້ນຈື່ງຈະໄດ້ຮັບການຍອມຮັບ ແລະຊ່ວຍເຫຼືອ, ຄວາມເນົ່າເໝັນຂອງສັງຄົມ (ທີ່ໃນຄວາມເປັນຈີງທຸກປະເທດໃນໂລກມີຈຸດທີ່ເປັນແບບນີ້).
ສ່ວນການສະແດງຂອງນັກສະແດງນຳ ຜູ້ບ່າວ Joaquin Phœnix ຂໍບອກວ່າ ເປັນເລີດ! ຖ້າບໍ່ໄດ້ອອສກ້າ ຖືວ່າພິກລ໊ອກແຮງເດີ, ເພາະເປັນໂຕເດີນເລື່ອງຄົນດຽວຕັ້ງແຕ່ຕົ້ນຈົນຈົບເລື່ອງ ແບບໂຄດເທບ❤️
ໜັງເລື່ອງນີ້ເໝາະກັບຄົນທີ່ມີຄວາມເປັນຜູ້ໃຫຍ່, ມີວຸດທິພາວະ, ສາມາດຄິດວິເຄາະແບບມີເຫດມີຜົນ, ການຄຸມອາລົມ, ສະຕິ ທີ່ສຳຄັນຄືຄວາມໝັ່ນຄົງຂອງອາລົມທີ່ສາມາດຕ້ານທານຕໍ່ກັບສີ່ງຫົດຫູ່, ສະເທືອນໃຈໄດ້ດີ
ສ່ວນພວກທີ່ບໍ່ຄວນໄປເບີ່ງ
- ເດັກນ້ອຍ (ໄວລຸ້ນຂື້ນໃໝ່ທັງຫຼາຍ ສູຫ້າມໄປເດັດຂາດ!)
- ພວກໄປໂຮງໜັງ ແຕ່ບໍ່ແມ່ນເພື່ອເບີ່ງໜັງ ສູຢ່າໄປຮົກໂຮງ ກູລຳຄານ (ຟິວໃນການເບີ່ງໜັງຖືກຕັດໄປຍ້ອນສູນີ້ລະ)
- ຄົນທີ່ມັກເບີ່ງໂລກໃນແງ່ລົບ ຫຼື ມີອາການຂອງໂລກຊຶມເສົ້າ, ຄົນທີ່ມີພາວະຄວາມຄິດຫຼາຍ, ຊີລຽດ ບໍ່ຄວນໄປເບີ່ງ.
ປລ: ຢ່າປຽບທຽບກັບພາກກ່ອນ ເພາະໂຕໜັງເອງສະເໜີ “Joker“ ໃນແບບທີ່ຕ່າງກັນ ແຕ່ນັກສະແດງທັງສອງຄົນສະແດງໄດ້ດີອີ່ຫຼີ
