ຊີຣິແນວສືບສວນ, ສອບສວນ, ຄະດີຂ້າຕະກຳ ທີ່ຕ້ອງສືບເລື່ອງລາວທັງໝົດຈາກສົບຄົນຕາຍ ເຊີ່ງຊີຣິໄດ້ຍົກເລື່ອງການສັນນະສູດສົບ ແລະ ການຕັດສິນຄະດີຂອງໄອຍະການໄປຄຽງຄູ່ກັນ.
ການເລົ່າເລື່ອງກໍຍັງມີລັກສະນະຄວາມເປັນເກົາຫຼີຄືເລົ່າເລື່ອງບໍ່ຮີບຮ້ອນ ແບບຊີຣິສືບສວນ, ສອບສວນສາຍຝຣັ່ງປານໃດ ເພາະຖ້າທຽບກັບເຊີລ໋ອກໂຮມ, ຊີເອສໄອ ຕ່າງໆແມ່ນແຕ່ລະຕອນມີຄວາມຍາວກວ່າ, ສີ່ງທີ່ມັກທີ່ສຸດຄື ການຜູກເລື່ອງໃຫ້ຄາດຄະເນໄດ້ຍາກ ຢ່າຄິດວ່າຈະແມ່ນຜູ້ທີ່ເຮົາຄິດໄວ້ໃນໃຈ ຕ້ອງໃຊ້ການພິຈາລະນາ ແລະ ມັກສັງເກດ.
ນອກນັ້ນ ປະເດັນສຳຄັນຄື ການຍົກເລື່ອງຄອບຄົວ, ຄວາມຮັກ, ບົດບາດເລື່ອງເພດຍິງ-ຊາຍ ແລະ ສັງຄົມຂອງຄົນເກົາຫຼີ ແລະ ທີ່ສຳຄັນອຸປະກອນປະກອບ ລວມເຖີງຂັ້ນຕອນການຜ່າຕັດ ລະອຽດສຸດໆ (ບາງສາກໄດ້ອັດຕາໄວ້ 😂).
ໂດຍສ່ວນຕົວຄິດວ່າໃຜທີ່ມັກເບີ່ງໜັງ, ລະຄອນ ຫຼື ຊີຣິ ສະໄຕສນີ້ຖືກໃຈແນ່ນອນ.
ຈຸດສຳຄັນທີ່ຢາກແນະນຳຄືສຳລັບຜູ້ທີ່ມີຄວາມສົນໃຈ ຫຼື ວ່າກຳລັງຮຽນໃນສາຂາແພດ, ສາຂານິຕິສາດລັດຖະສາດ. ຖ້າໄດ້ເບີ່ງເລື່ອງນີ້ຈະໄດ້ຄວາມຮູ້ເພີ່ມຂື້ນຫລາຍແນ່ນອນ.
ສຳລັບເລື່ອງນີ້ໃຫ້ 9/10 (ຄະແນນທີ່ຕັດອອກເລື່ອງມະຍິກມະຍ່ອຍທີ່ບາງທີກໍກິນເວລາໄປເກີນ ແລະ ບາງຢ່າງທີ່ບໍ່ສົມເຫດສົມຜົນພຽງພໍເທື່ອ ແລະ ຊີຊັນສອງມີການປ່ຽນຕົວລະຄອນທີ່ບໍ່ຄ່ອຍຖືກໃຈປານໃດ)
ຂໍເພີ່ມຕື່ມ “ລັກສະນະນິໄສຕົວລະຄອນ“
- ແພັກບອມ ໝໍນິຕິເວດ ທີ່ມີປົມຈາກອຸປະຕິເຫດໃນອະດິດ ຈົນເປັນຄົນເຢັນຊາ, ປາກໝາສຸດໆ, ບໍ່ໄດ້ໃຈໄລ່ໜີຢ່າງດຽວ.
- ອຶນຊໍ ສາວໄອຍະການທີ່ຫາກໍມາຮັບຕຳແໜ່ງໃໝ່, ມັກການສືບຄະດີ ເພາະມັກເບີ່ງໜັງສືບສວນສອບສວນ, ນິໄສບ້າໆບ໋ອງ, ມັກຄາດເດົາຕ່າງໆນາໆ ຕັດສິນປຸບປັບ ແລະ ຂີ້ໂວຍວາຍ.
ປລ: ຊີຣິແມ່ນພາສາເກົາຫຼີ ອາໄສສັບໄທເດີ, ປະຈຸບັນມີ 2 ຊີຊັນ
“ຢ່າແຕ່ງນິຍາຍ, ອອກໄປ, ບໍ່ລົມເລື່ອງສ່ວນຕົວ, ຖາມຜິດແລ້ວ!“ ປະໂຫຍກນີ້ຈະຊືມເຂົ້າຫູໂດຍປະລິຍາຍ
