ຫຼັງຈາກທີ່ໄດ້ທຳຄວາມໃຮູ້ຈັກກັບ Fingerstyle guitar ໄປແລ້ວ ຕອນນີ້ເຮົາກະມາເບິ່ງວິທີການຮຽບຮຽງເພງໃນ style ການຫຼິ້ນຂອງ Sungha Jung ກັນເລີຍ, ເຊິ່ງເພງທີ່ຈະນຳມາເວົ້າເຖິງເປັນເພງ Wake me up - Avicii ເຊິ່ງ Sungha Jung ໄດ້ຮຽບຮຽງ ແລະ ຫຼິ້ນເພງນີ້ໄວ້
ເຊິ່ງສິ່ງທີ່ນຳມາບອກໃນມື້ນີ້ແມ່ນໄດ້ຟັງມາຈາກ live ຂອງ Sungha Jung ທີ່ໄດ້ເວົ້າເຖິງການ arrange ເພງນີ້ ວີດີໂອທີ່ມາ ໃນນີ້ເຂົາໄດ້ເວົ້າເຖິງແນວຄິດໃນການ arrange ເພງໃນແນວ Fingerstyle ດ໋ຽວຈະມາສະຫຼຸບໃຫ້ແບບຫຍໍ້ໆເນາະ.
1. ຫາທາງຂອດຂອງເພງ (Chord progression)
ການຫາ Chord progression ຂອງເພງກະເວົ້າງ່າຍໆກະຄືການຫາ chord ຂອງເພງນັ້ນລະນໍວ່າມັນມີຂອດປະມານໃດແນ່, ໃນເພງນີ້ກະຈະເປັນ
Bm - G - D ແລ້ວກະ loop ໄປຈົນຈົບເພງເລີຍ.
2. ຫຼັງຈາກທີ່ໄດ້ Chord progression ແລ້ວລຳດັບຕໍ່ໄປກໍຄືການຫາ melody line ຂອງເພງທີ່.
3. ຂັ້ນຕອນຕໍ່ມາກໍເປັນການນຳເອົາ Chord progression ແລະ melody ມາລວມເຂົ້າກັນ
ໃນຕອນນີ້ເຮົາກໍສາມາດນຳເອົາ melody ແລ້ວກໍ chord ມາລວມເຂົ້າກັນກໍຄືຫຼິ້ນ chord ແລະ melody ໃນເວລາດຽວກັນ ແລ້ວເຮົາຍັງສາມາດທີ່ຈະເພີ່ມ rhythm ຂອງເພງເຂົ້າໄປນຳເພື່ອເຮັດໃຫ້ຟັງເປັນເພງຄືຕົ້ນສະບັບຫຼາຍຂຶ້ນ.
Tips
- ເປັນການຕັ້ງສາຍເພື່ອໃຫ້ງ່າຍຕໍ່ການຫຼິ້ນ ກໍຄື ປົກກະຕິ standard tuning ຂອງກີຕ້າຈະແມ່ນ E-A-D-G-B-E (ລຽງລຳດັບຈາກສາຍຫົກລົງມາ) ແຕ່ໃນເພງນີ້ Sungha Jung ໄດ້ປັບສາຍຫົກ ແລະ ສາຍຫ້າລົງມາເປັນ D ແລະ G ຕາມລຳດັບເພື່ອໃຫ້ງ່າຍຕໍ່ການຫຼິ້ນ ແລ້ວກໍຈະໄດ້ເປັນ D-G-D-G-B-E.
- ໃນທ່ອນທີ່ເປັນ melody ຫຼັກຂອງເພງຈະເຫັນວ່າເຂົາໄດ້ມີການຫຍັບຈາກການຫຼິ້ນໃນໂນ໊ດປົກກະຕິຂຶ້ນໄປຫຼິ້ນເປັນ high note ຫຼື ເປັນການປ່ຽນ octave ໃຫ້ສູງຂຶ້ນແຕ່ຍັງເປັນ chord ເກົ່າ.
ກະຈະເປັນປະມານນີ້ເນາະສຳຫຼັບແນວຄິດໃນການ arrange ເພງ wake me up ຂອງ Sungha Jung ຖ້າໃຜມີບ່ອນໃດທີ່ບໍ່ເຂົ້າໃຈ ຫຼື ຢາກຮູ້ຫຍັງເພີ່ມເຕີມກໍສາມາດຖາດໄດ້, ຖ້າມີຫຍັງທີ່ຕອບໄດ້ຜູ້ຂຽນກໍຈະຕອບໃຫ້ ຫຼື ຖ້າຕອບບໍ່ໄດ້ກໍຈະພະຍາຍາມຊອກຫາຄຳຕອບມາຕອບໃຫ້ ສຳລັບຕອນນີ້ກໍຂໍຈົບພຽງເທົ່ານີ້.
ຂໍຂອບໃຈ
