ຜ່ານມາຂ້າພະເຈົ້າເປັນຄົນທີ່ລົງມືອອກແບບທຸກ poster, ໃບປິວ, ແຜ່ນພັບຕ່າງໆດ້ວຍຕົນເອງ ກໍເລີຍຮູ້ວ່າສິ່ງທີ່ຕົນເອງຕ້ອງການແມ່ນແນວໃດ ກໍເລີຍງ່າຍຕໍ່ການອອກແບບ
ລວມເຖິງເວລາຮັບງານຈາກຫົວໜ້າ ຂ້າພະເຈົ້າກໍສາມາດຜັນຂະຫຍາຍຕໍ່ຍອດຈາກສິ່ງທີ່ຫົວໜ້າສະເໜີມາໄດ້ແລ້ວເຮັດເປັນຜົນງານອອກມາ
ບາດນີ້ ມາເຖິງຊ່ວງເວລາທີ່ເຮົາຕ້ອງຂຶ້ນເປັນຫົວໜ້າຄົນ ກໍປະສົບບັນຫາເລື່ອງການສື່ສານ ແລະ ການສະເໜີຄວາມຕ້ອງການຂອງເຮົາໃນວຽກງານອອກແບບ ເຊັ່ນ: ອອກແບບ poster ມັນກໍຕ້ອງມີລາຍລະອຽດເລັກໆນ້ອຍໆ ຍັບໂຕໜັງສື, ປ່ຽນສີ, ຫຍໍ້-ຂະຫຍາຍ, ບຼາໆໆ ຈົນກວ່າເຮົາຈະຮູ້ສຶກວ່າມັນໄດ້ໃຈເຮົາ
ເຊິ່ງແນ່ນອນວ່າມັນເສຍເວລາຫຼາຍກວ່າທີ່ເຮົາມານັ່ງເຮັດເອງ
**
ຈຶ່ງຢາກຖາມບັນດາ Art Director ຫຼື ຜູ້ທີ່ຕ້ອງຄຸມງານອອກແບບ ຫຼື ມີສະມາຊິກໃນທີມຫຼາຍໆວ່າ ທ່ານມີວິທີຈັດການບໍລິຫານ ແລະ ສື່ສານກັນແນວໃດ ເພື່ອໃຫ້ງານອອກມາຕົງຕາມຄວາມຕ້ອງການຫຼາຍທີ່ສຸດ ໂດຍໃຫ້ແກ້ໄຂງານໜ້ອຍທີ່ສຸດ?
**
