Hi ຂ້ອຍມີເລື່ອງຢາກປຶກສາ ແລະ ລະບາຍບາງທີພວກເຈົ້າອາດຈະຊ່ວຍໄດ້
+ລາຍລະອຽດຄ້າວໆຂອງການເຮັດວຽກ
ຂ້ອຍອາຍຸ 22 ປີ ຫາກໍຈົບມະຫາໄລ ແລ້ວໄດ້ລອງເຮັດວຽກນຳບໍລິສັດເປີດໃໝ່ຂອງພີນ້ອງ ເປັນວຽກກ່ຽວກັບ Social Media ເພິ່ນບອກວ່າຕ້ອງໄດ້ຝຶກງານ 5ເດືອນກ່ອນຈຶງໄດ້ເຮັດວຽກເຕັມ ເຊິ່ງເງິນເດືອນແມ່ນປູພື້ນແມ່ນ 1,500,000 Kip + ກັບງານເສີມທີໄດ້ອອກນອກສະຖານທີ ແລ້ວແຕ່ວ່າວຽກແຕ່ລະເດືອນສິໄດ້ເຮັດຫຍັງແດ່ ໂດຍທີທຳອິດບອກວ່າສິຂຽນສັນຍາຈ້າງຝຶກງານໃຫ້ ແຕ່ຈົນຮອດຕອນນີ້ກໍຍັງບໍ່ໄດ້ຂຽນ
ດ້ວຍຄວາມທີວ່າບໍ່ໄດ້ມີລາຍຈ່າຍຫຍັງເພາະຍັງຢູ່ກັບຄອບຄົວບວກກັບຢາກໄດ້ປະສົບການກໍເລີຍຍອມເຮັດວຽກໄປກ່ອນ
ການເຮັດວຽກແມ່ນຫົວໜ້າຈະໃຫ້ລອງເຮັດທຸກຢ່າງທຸກດ້ານເພື່ອປະເມີນຕັ້ງແຕ່ ຂຽນໂພສ,ແຕ່ງຮູບ,ລົມກັບລູກຄ້າ,ຕັດຕໍ່,ຖ່າຍຮູບ ແລະ ວີດີໂອ ແຕ່ອາດຈະແມ່ນຍ້ອນຕອນລົມເຂົ້າເຮັດວຽກແມ່ນບໍ່ໄດ້ບອກແດ່ມັ້ງວ່າຢາກເຮັດຫຍັງ
ສ່ວນໂມງການເຮັດວຽກແມ່ນ 9:00AM-6:30PM ເຊິ່ງຖ້າມີວຽກຄ້າງ ຫຼື ມີວຽກອື່ນທີ່ເຂົ້າມາຊ່ວງແລງໆ ອາດຈະໄດ້ຢູ່ຍາວ ( ເດິກສຸດທີເຄີຍຢູ່ແມ່ນ 12:00AM ) ໂດຍຍັງບໍ່ມີການຈ່າຍຄ່າລ່ວງເວລາສຳລັບເດັກຝຶກງານ
+ ຄວາມຮູ້ສຶກໂດຍລວມ
ເລື່ອງເງິນ :
ທຳອິດກໍຄິດວ່າເງິນເດືອນທີໄດ້ກໍໜ້າຈະພໍຢູ່ໄດ້ ແຕ່ພໍນັບລາຍຈ່າຍເຊັ່ນ ຄ່ານຳ້ມັນ,ອາຫານ,ເນັດ ກໍບອກໄດ້ເລີຍວ່າ ທຸກເດືອນຍັງຕ້ອງຂໍທາງບ້ານຕື່ມຢູ່ ບໍ່ເຫຼືອພໍໃຫ້ເກັບປານໃດນອກຈາກວ່າເດືອນນັ້ນຈະມີງານເສີມ ປະມານ 1000-2000 ບາດ
ໜ້າວຽກ
ຖ້າເປັນວຽກຫຼັກທີເຮັດກໍຍັງຖືວ່າບໍ່ໜັກຫຼາຍແຕ່ເພິ່ນມັກຈະມີວຽກແຊກເຂົ້າມາເຊັ່ນ :
ຫົດນຳ້ຕົ້ນໄມ້,ອານາໄມຫ້ອງການ,ຊື້ເຄື່ອງເຂົ້າຫ້ອງການຫຼືວຽກຊ້ອນທັບກັນເຊັ່ນ ໃຫ້ຕັດຕໍ່ຢູ່ມີວຽກແຕ່ງຮູບດ່ວນເຊິ່ງໃນຄວາມຄິດຂ້ອຍແມ່ນກໍເຮັດຕາມໄດ້ແຕ່ພຽງແຕ່ຮູ້ສຶກເສຍສະມາທິກັບຜົນງານທີ່ອອກມາບໍ່ເຕັມທີປານໃດ.ແລ້ວຍັງມີວຽກທີ”ບໍ່ໄດ້ເງິນ”ກໍມີເຊັ່ນວຽກຄົນຮູ້ຈັກ,ວຽກທີຫວັງຊື້ໃຈລູກຄ້າ
ຖ້າເບິິ່ງໃນມຸ່ມບໍລິສັດກໍເປັນການຫາລູກຄ້າໃໝ່ໆກັບສັງຄົມໜ້າຕາແຕ່ໃນມຸ່ມລູກຈ້າງແລ້ວການທີຕ້ອງເຮັດຫຍັງແລ້ວບໍ່ມີຄ່າຕອບແທນມັນກໍອຶດອັດໃຈແດ່ສິປະຕິເສດກໍບໍ່ກ້າເພາະທີ່ມາເຮັດນຳກັນກໍຮັກແພງກັນ
ສັງຄົມພາຍໃນ
ດ້ວຍຄວາມຫາກໍເປີດໃໝ່ແມ່ນພະນັກງານຍັງບໍ່ມີຫຼາຍບວກກັບບໍ່ຮູູ້ສິໄປຫາເພີ່ມຢູ່ໃສ່(5ຄົນຝຶກງານ4ຄົນ ປະຈຸບັນອອກ2ຄົນເຫຼືອ ຝຶກງານ3ຄົນ)ທຳອິດກະມ່ວນໆມັນໆດີແຕ່ພໍວຽກໜັກຂື້ນຊ່ວງທ້າຍໆປີນິແຕ່ລະຄົນກໍຮູ້ສຶກລະວ່າມັນບໍ່ໂອເຄປານໃດໂດຍສະເພາະສອງຄົນທີອອກມັກຈະຖືກໃຊ້ງານໜັກກັບຖືກນຳແກ້ວຽກຫຼາຍຮອບ
+ ຕອນນີ້ແມ່ນ3ຄົນທີ່ເຫຼືອແມ່ນຜ່ານການຝຶກງານມາເບິດແລ້ວແລະກໍຄິດວ່າຈະຢູ່ຕໍ່ສັນຍາຕື່ມອີກແຕ່ຍັງບໍ່ຮູ້ລາຍລະ
ອຽດຕື່ມວ່າເງິນເດືອນເທົ່າໃດຫຼືສັນຍາຈັກເດືອນຈັກປີ ຂ່າວດີແມ່ນສິມີຄົນມາເຮັດນຳເພີ່ມ ແຕ່ກໍຍັງບໍ່ຮູ້ຄືກັນວ່າຈັກຄົນ
# ຄຳຖາມແມ່ນ ຄິດວ່າການເຮັດວຽກຂອງຂ້ອຍແມ່ນຄຸ້ມຄ່າບໍ່ ? ຄິດວ່າຖ້າຕໍ່ສັນຍາຄວນໄດ້ເທົ່າໃດ ?
ປລ ຢາກຂຽນລະອຽດຕື່ມຢູ່ແຕ່ຍ້ານບໍ່ມີຄົນອ່ານ
